“లైగర్” ట్రైలర్ రిలీజ్ టైంలో  విజయ్ చేసిన కామెంట్స్.. పై స్టార్ హీరోల ఫ్యాన్స్ సీరియస్..??

జులై 21వ తారీకు “లైగర్” తెలుగు ట్రైలర్ రిలీజ్ కార్యక్రమం జరిగిన సంగతి తెలిసిందే. హైదరాబాద్ లో జరిగిన ఈ కార్యక్రమానికి సినిమా దర్శకుడు పూరి జగన్నాథ్ తో పాటు హీరో విజయ్ దేవరకొండ మరియు హీరోయిన్ అనన్య పాండే.. మరి కొంతమంది సినిమా యూనిట్ కి చెందిన వాళ్ళ హాజరయ్యారు. అయితే ఈ కార్యక్రమంలో విజయ్ దేవరకొండ చేసిన కొన్ని కామెంట్స్.. స్టార్ హీరోల అభిమానులను నోచ్చుకునేటట్టు చేశాయి. ఆ వ్యాఖ్యలు ఏమిటంటే.. “మా నాన్న తెలియదు, మా తాత తెలియదు అయినా కానీ ఇంత అభిమానం చూపిస్తున్నారేంట్రా బాబు. నా సినిమా విడుదలయ్యి రెండు సంవత్సరాలు దాటిపోయింది.

పైగా అంతకు ముందు విడుదలైన సినిమా కూడా పెద్దగా విజయం సాధించింది ఏమీ కాదు. అయినా కానీ నా పట్ల మీరు చూపిస్తున్న అభిమానానికి.. నేను వర్ణించలేను” అంటూ.. తనదైన శైలిలో స్పీచ్ ఇచ్చారు. అయితే ఈ క్రమంలో విజయ్ దేవరకొండ… తాత తెలియదు తండ్రి తెలియదు అని చేసిన వ్యాఖ్యల పట్ల యంగ్ టైగర్ ఎన్టీఆర్ మరియు మరి కొంతమంది హీరోల అభిమానులు విజయ్ నీ ట్రోల్ చేయడం స్టార్ట్ చేశారంట. ముఖ్యంగా తాత అని అనటం.. విజయ్  ఏ ఉద్దేశంతో  అన్నాడో తెలియదు గాని ఎన్టీఆర్ ఫ్యాన్స్ మండిపడుతున్నారు.

ఇండస్ట్రీలో చిరంజీవి, రవితేజ మినహా చాలా వరకు ప్రస్తుతం ఫీల్డ్ లో ఉన్న హీరోలు.. వారసత్వంగా వచ్చినవాళ్లే. దీంతో తమ అభిమాన హీరోనే ఉద్దేశించి విజయ్ దేవరకొండ అన్నట్లు.. అభిమానులు ఫీల్ అవుతూ.. సీరియస్ కామెంట్స్ చేస్తున్నారు. “లైగర్” ట్రైలర్ బాగున్న గాని.. విజయ్ చేసిన వ్యాఖ్యలు.. మిగతా హీరోల అభిమానులలో తీవ్ర వ్యతిరేకతను తీసుకొస్తున్నాయి.