Sunil: కమెడియన్ సునీల్ అంటే తెలియని తెలుగు యువత ఉండరనే చెప్పాలి. తెలుగు పరిశ్రమలోకి అడుగుపెట్టిన అనతికాలంలోనే స్టార్ స్టేటస్ ను సొంతం చేసుకున్నాడు. బ్రహ్మానందం.. ఎమ్మెస్ వంటి వారు బరిలో ఉన్నప్పుడే సునీల్ తానేమిటనేది సత్తా చాటాడు. ఆ తరువాతి క్రమంలో హీరోగా కూడా తన అదృష్టాన్ని పరీక్షించుకున్నాడు. అయితే హీరోగా అవకాశాలు తగ్గిన తరువాత మళ్లీ కమెడియన్ గా బిజీ కావడానికి ఇపుడు ప్రయత్నిస్తూ వున్నాడు. ఈ లోగా చేతికి అందిన విలక్షణమైన పాత్రలను సైతం చేసి శభాష్ అనిపించుకున్నాడు. ఈ క్రమంలో చేసిన పుష్ప సినిమాలో నెగెటివ్ షేడ్స్ కలిగిన పాత్ర సునీల్ కి మంచి పేరు తీసుకువచ్చింది.
- Read the latest news from NEWSORBIT
- Follow us on facebook , Twitter , instagram and Googlenews
F3 విశేషాలు:
సునీల్ ఓ ప్రధాన పాత్రలో నటించిన తాజా చిత్రం ‘F 3’ త్వరలో ప్రేక్షకుల ముందుకు రానుంది. ఈ నేపథ్యంలో ఈ సినిమాను గురించి సునీల్ ఓ మీడియా వేదికగా మాట్లాడుతూ.. “నాకు చాలా ఇష్టమైన దర్శకులలో అనిల్ ఒకరు. తనతో వర్క్ చేసేటప్పుడు చాలా కంఫర్ట్ ఫీల్ అవుతాను. ఆర్టిస్ట్ టైమింగ్ కి తగినట్టుగా చెప్పడం ఆయన స్పెషాలిటీ. యాక్షన్.. కామెడీ ఇలా ఏదైనా తాను అద్భుతంగా తీసి చూపిస్తాడు. ఈ సినిమాలో ఎంతో మంది ఆర్టిస్టులు ఉన్నారు. అయినా ఎవరికీ ఎలాంటి టెన్షన్ లేదు. ఎందుకంటే ఎవరి ప్లేస్ వారికుంటుంది. మళ్లీ ఆయనతో కలిసి ఎప్పుడు చేస్తానా అని ఎదురుచూసేంతగా చేస్తాడు.” అని చెప్పుకొచ్చాడు.
- Read the latest news from NEWSORBIT
- Follow us on facebook , Twitter , instagram and Googlenews
F3 ఓ అరుదైన సినిమా:
ఇంకా సునీల్ మాట్లాడుతూ… “ఈ సినిమా కోసం మొత్తం 16 కారవాన్లు ఉండేవి. చూడటానికి ఓ బస్ డిపోలా ఉండేది. దీనిని బట్టి ఎంతమంది ఆర్టిస్టుల ఉన్నారో మీరు అర్ధం చేసుకోండి. ఈ మధ్య కాలంలో ఇంతమంది ఆర్టిస్టులను పెట్టి.. ఇంతటి ఫన్ ను అందించే సినిమా ఇప్పట్లో రాదనే చెప్పుకోవాలి. చాలా కాలం తరువాత ఇక పూర్తిస్థాయి కామెడీ రోల్ చేశాను. ఈ సినిమాతో ప్రేక్షకులు మళ్ళీ పాత సునీల్ ని చూస్తారు. నాది గ్యారంటీ. ఇలాంటి ఒక అవకాశాన్ని ఇచ్చిన దిల్ రాజుగారికి .. అనిల్ రావిపూడి గారికి ధన్యవాదాలు తెలియజేస్తున్నాను.” అని ముగించారు.
