బాలీవుడ్, టాలీవుడ్, కోలీవుడ్ చిత్రాల్లో హీరోయిన్గా మెప్పించిన సుర్విన్ చావ్లా కాస్టింగ్ కౌచ్పై చేసిన ఆరోపణలు సంచలనంగా మారాయి. ఇటీవల ఇచ్చిన ఓ ఇంటర్వ్యూలో సుర్విన్ చావ్లా మాట్లాడుతూ “టీవీ రంగంలో నటిగా రాణించిన నాకు సినిమా రంగంలో రాణించడం సులువు కాలేదు. నేను కాస్టింగ్ కౌచ్ పరిస్థితులను ఎదుర్కొన్నాను. ఒకటి రెండు సార్లు కాదు.. 5 సార్లు ఎదుర్కొన్నాను. రెండు సార్లు బాలీవుడ్లో, మూడు సార్లు దక్షిణాదిలో ఎదుర్కొన్నాను. దక్షిణాదిలో ఓ దర్శకుడు `నీ శరీరం గురించి పూర్తిగా తెలుసుకోవాలనుకుంటున్నాను` అని అన్నాడు. దాంతో అతని ఫోన్స్ లిఫ్ట్ చేయలేదు. నేషనల్ అవార్డ్ దక్కించుకున్న మరో దర్శకుడు దగ్గరకు ఆడిషన్స్కు వెళ్లినప్పుడు ఏవేవో డైలాగ్స్ చెప్పించడమే కాకుండా.. ఏదేదో చేయించాడు. నాకు ఆరోగ్యం బాగోలేదని ముంబైకి వచ్చినప్పుడు ఆ దర్శకుడు మరొకరితో ఫోన్ చేయించాడు. `నీకు ఆరోగ్యం బాగోలేదు కదా, నేను ముంబై రానా?` అన్నాడు. దానికి నేను `నో థ్యాంక్స్` అన్నాను. `ఆ సినిమా ఇప్పట్లో మొదలయ్యేలా లేదు. ఈలోపు డైరెక్టర్గారు నీ గురించి పూర్తిగా తెలుసుకోవాలనుకుంటున్నారు. సినిమా జరిగే వరకే.. తర్వాత ఆపేయవచ్చు` అని మరొకరితో అడిగించాడు. ఆ దర్శకుడికి తమిళం తప్ప మరో భాష రాదు. ఇక బాలీవుడ్లో ఓ దర్శకుడైతే `నీ ఎద చూడాలని ఉంది` అంటే మరో దర్శకుడు `నీ తొడలు చూడాలని ఉంది` అన్నాడు. నేను ఇలాంటి పరిస్థితి ఎదుర్కొన్న ప్రతిసారి ఆయా ఆఫీసుల నుండి బయటకు వచ్చేశాను“ అని చెప్పుకుని బాధపడ్డారు సుర్విన్ చావ్లా
previous post