Surya: ప్రముఖ స్టార్ హీరో సూర్య గురించి పరిచయాలు అవసరం లేదు. కోలీవుడ్ హీరో అయినప్పటికీ టాలీవుడ్లోనూ స్టార్ ఇమేజ్ను సొంతం చేసుకున్న హీరోల్లో సూర్య ముందు వరసలో ఉంటారు. ఈ నేపథ్యంలోనే ఆయన తన ప్రతి సినిమాను తెలుగులోనూ విడుదల చేస్తుంటాడు.
ఇటీవల ఆకాశం నీ హద్దురా, జైభీమ్ చిత్రాలతో ప్రేక్షకులను అలరించిన సూర్య.. త్వరలోనే `ఈటి(తమిళంలో ఎత్తరాకం తున్నైదావన్)` అనే మూవీతో పలకరించబోతున్నాడు. పాండీరాజ్ దర్శకత్వం వహించిన ఈ చిత్రాన్ని ప్రపంచ వ్యాప్తంగా మార్చి 10న థియేటర్లలో రిలీజ్ అవుతుంది.
ఇందులో సన్ పిక్చర్స్ నిర్మిస్తోన్న ఈ మూవీలో ప్రియాంక మోహనన్ హీరోయిన్ గా నటిస్తుండగా.. ఇమ్మాన్ సంగీతం అందించారు. ఇకపోతే ఈ సినిమా తెలుగు వర్షన్కు సూర్య స్వయంగా డబ్బింగ్ చెప్పుకుంటున్నారు. ఎప్పుడో 2012లో విడుదలైన `బ్రదర్స్` మూవీతో ఆయన తొలిసారి డబ్బింగ్ చెప్పారు.
ఆ తర్వాత డబ్బింగ్ ఆర్టిస్టుల పైనే ఆధారపడిన సూర్య దాదాపు పదేళ్ల తర్వాత మళ్లీ ఈటి చిత్రానికి సొంతంగా డబ్బింగ్ చెప్పుకుంటారు. ఇందుకు సంబంధించిన ఫొటో ప్రస్తుతం సోషల్ మీడియాలో వైరల్గా.. ఆయన ఫ్యాన్స్ ఫుల్ ఎగ్జైట్ అయిపోతున్నారు.