Mega 154: `మెగా 154`లో భాగ‌మ‌వుతున్న చిరు పెద్ద కూతురు..!

Mega 154: వ‌రుస ప్రాజెక్ట్స్‌ను లైన్‌లో పెడుతూ దూసుకుపోతున్న మెగాస్టార్ చిరంజీవి త‌న 154వ చిత్రాన్ని బాబీతో చేయ‌నున్నట్లు ప్ర‌క‌టించిన విష‌యం తెలిసిందే. వైజాగ్ బ్యాక్ డ్రాప్‌లో ప‌క్కా మాస్ ఎంటర్‌టైనర్‌గా రూపుదిద్దుకోనున్న ఈ చిత్రంలో శ్రుతి హాస‌న్ హీరోయిన్‌గా న‌టించ‌బోతోంది. ప్ర‌ముఖ నిర్మాణ సంస్థ మైత్రీ మూవీ మేక‌ర్స్ ఈ చిత్రాన్ని నిర్మిస్తుండ‌గా.. రాక్‌స్టార్ దేవిశ్రీ ప్ర‌సాద్ స్వరాలు అందిస్తున్నారు.

ఇప్పటికే పూజా కార్యక్రమాలను పూర్తిచేసుకుని సెట్స్ మీద‌కు వెళ్లిన ఈ చిత్రంలో చిరంజీవి పెద్ద కూతురు సుస్మిత కొణిదెల కూడా భాగం అయింది. వృత్తి పరంగా సుస్మిత కాస్ట్యూమ్ డిజైనర్‌. ఈ నేపథ్యంలో `మెగా 154` మూవీకి ఆమె కాస్ట్యూమ్ డిజైనర్ గా వర్క్ చేస్తున్నారు. ఈ విష‌యాన్ని డైరెక్ట‌ర్ బాబీ స్వ‌యంగా వెల్ల‌డించారు.

ఈ రోజు సుస్మిత బ‌ర్త్‌డే. ఈ సంద‌ర్భంగా ఆమెకు బ‌ర్త్‌డే విషెస్ తెలిపిన బాబీ.. మీరు మా చిత్రానికి మ‌రింత ఎన‌ర్జీని యాడ్ చేస్తున్నారు అంటూ ప్ర‌శంసలు కురిపించారు. దీంతో ఇప్పుడీయ‌న ట్వీట్ కాస్త నెట్టింట వైర‌ల్‌గా మారింది. చిరంజీవి గత చిత్రమైన‌ `సైరా నరసింహారెడ్డి`కి కూడా సుస్మిత కాస్ట్యూమ్ డిజైనర్ గా పనిచేసి మంచి మార్కులే వేయించుకుంది. మ‌ళ్లీ ఇప్పుడు తండ్రి సినిమా కోసం ప‌ని చేసే అవ‌కాశాన్ని అందుకుంది.

కాగా, చిరంజీవి ఇత‌ర సినిమాల విష‌యానికి వ‌స్తే.. ఇప్ప‌టికే ఈయ‌న నటించిన `ఆచార్య‌` చిత్రం షూటింగ్ పూర్తి చేసుకుని విడుద‌ల‌కు సిద్ధంగా ఉంది. అలాగే మ‌రోవైపు ఈయ‌న మోహ‌న్ రాజా ద‌ర్శ‌క‌త్వంలో `గాడ్ ఫాద‌ర్‌`, మెహ‌ర్ ర‌మేష్ ద‌ర్శ‌క‌త్వంలో `భోళా శంక‌ర్‌` చిత్రాలు చేస్తున్నాడు. ప్ర‌స్తుతం ఇవి రెండు కూడా సెట్స్ మీదే ఉన్నాయి.

Happy birthday to our Mega stylist @sushkonidela Gaaru, You add more
Energy to our #Mega154.
Wishing you many more amazing years of happiness and success. pic.twitter.com/HPWMHJOG03

— Bobby (@dirbobby) March 10, 2022

kavya N

See Full Bio