మెగాస్టార్ చిరంజీవి 151వ చిత్రం `సైరా నరసింహారెడ్డి`. రెండేళ్లకు పైగానే ఈ సినిమా కోసం మెగాభిమానులు ఆసక్తిగా ఎదురుచూస్తున్నారు. మారుతున్న తెలుగు సినిమాలకు అనుగుణంగా మెగాస్టార్ రూట్ మార్చి చేసిన హిస్టారికల్ మూవీయే `సైరా నరసింహారెడ్డి`. బ్రిటీష్ పాలనకు ఎదురొడ్డి నిలిచిన తొలి స్వాతంత్ర్య యోధుడు ఎవడ్రా అంటే మన తెలుగువాడు అని రొమ్ములు విరిచి నిలిచేలాంటి ఓ కథ.. చరిత్ర మరుగున పడిపోయిన వీరుడు ఉయ్యాలవాడ నరసింహారెడ్డి జీవితగాథను ఆధారంగా చేసుకుని ఈ సినిమాను తెరకెక్కిస్తున్నారు. సురేందర్ రెడ్డి దర్శకుడు. చిరంజీవి తనయుడు రామ్చరణ్ నిర్మాత కావడం మరో ప్లస్ అయ్యింది. ఎలాంటి లెక్కలు లేకుండా ఈ సినిమాను నిర్మించడానికి రెడీ అయ్యారు రామ్చరణ్. పెరుగుతున్న తెలుగు సినిమా స్పాన్కు అనుగుణంగా తెలుగు, తమిళ, మలయాళ, హిందీ భాషల్లో సినిమాను విడుదల చేయబోతున్నారు. చిత్రీకరణ పూర్తి చేసుకున్న ఈ సినిమా నిర్మాణానంతర కార్యక్రమాలను పూర్తి చేసుకుంటోంది. అక్టోబర్ 2న సినిమాను విడుదల చేస్తారనే వార్తలు వినపడుతున్నాయి.
ఆగస్ట్ 15న స్వాతంత్ర్య దినోత్సవాన్ని పురస్కరించుకుని ఈ సినిమా మేకింగ్ వీడియోను నిర్మాణ సంస్థ విడుదల చేసింది. యాక్షన్ సన్నివేశాలను ఎలా చిత్రీకరించారనేదే ప్రధానంగా ఈ టీజర్ ఉంది. రామ్ లక్ష్మణ్, గ్రెగ్ పావెల్, లీ విట్టాకర్ నేతృత్వంలో యాక్షన్ పార్ట్ను చిత్రీకరించారు. అలాగే సినిమాలో నటించిన అమితాబ్ బచ్చన్, కిచ్చాసుదీప్, విజయ్ సేతుపతి, తమన్నా, నిహారిక, జగపతిబాబు, రవికిషన్ పాత్రలకు సంబంధించిన లుక్స్ను కూడా ఈ యాక్షన్ టీజర్లో విడుదల చేశారు. అలాగే చిరంజీవి పుట్టినరోజు(ఆగస్ట్ 22) సందర్భంగా టీజర్ను ఆగస్ట్ 20న విడుదల చేయబోతున్నట్లు ఈ టీజర్లో చెప్పారు.
Gruhalakshmi: అవకాశాలు కావాలంటే క్యాస్టింగ్ కౌచ్ కి ఓకే చెప్పాల్సిందే... గృహలక్ష్మి ఫేమ్ తులసి సంచలన వ్యాఖ్యలు..!