Tamana: ఒకప్పుడు సౌత్ ఫిల్మ్ ఇండస్ట్రీలో మిల్కీ బ్యూటీ తమన్నా ఫుల్ బిజీ గా ఉండేది అన్న సంగతి తెలిసిందే. వరస ప్రాజెక్టులతో టాప్ మోస్ట్ స్టార్ హీరోలతో సినిమాలు చేస్తూ.. సక్సెస్ఫుల్ కెరియర్ కొనసాగిస్తూ ఉండేది. టాలీవుడ్ ఇండస్ట్రీలో అయితే ప్రభాస్, మహేష్ బాబు, ఎన్టీఆర్, రామ్ చరణ్, బన్నీ, పవన్ కళ్యాణ్ లాంటి పెద్ద హీరోల అందరి పక్కన నటించడం జరిగింది. అయితే ఉన్నట్టుండి తెలుగులో అవకాశాలు తగ్గుతూ ఉండటం తో పాటు దక్షిణాదిలో కూడా మెల్లమెల్లగా గ్రాఫ్ తగ్గుతూ ఉండటం తో… దీపం ఉన్నప్పుడే ఇల్లు చక్కబెట్టుకోవాలన్న రీతిలో.. కొద్దో గొప్ప ఉన్న క్రేజ్ బట్టి తమన్నా ఇప్పుడు ఎక్కువ ఇంట్రెస్ట్ బాలీవుడ్ పై చూపెడుతున్నట్లు వార్తలు వస్తున్నాయి.
పైగా టాలీవుడ్ లో కంటే బాలీవుడ్ ఇండస్ట్రీలో రెమ్యూనరేషన్ భారీగా వచ్చే పరిస్థితి ఉండటంతో తాజాగా అక్కడ మహిళా బౌన్సర్ గా ఓ పాత్ర కలిగిన స్టోరీ కి తమన్నా ఓకే చెప్పినట్లు వార్తలు వస్తున్నాయి. తెలుగులో ప్రస్తుతం వెంకటేష్ నటిస్తున్న “ఎఫ్ త్రీ”… చిరంజీవి నటిస్తున్న “బోల శంకర్”… ప్రాజెక్టులలో మాత్రమే నటిస్తోంది. మరోపక్క ప్రత్యేక గీతాల్లో కూడా అంతకు ముందు మహేష్ నటించిన సరిలేరు నీకెవ్వరు లో కనిపించగా ఇప్పుడు వరుణ్ తేజ్ “గని” సినిమాలో చేస్తోంది. కానీ ఫోకస్ ఎక్కువగా మాత్రం బాలీవుడ్ పైనే మిల్కీబ్యూటీ పెట్టినట్లు ఇండస్ట్రీ టాక్.
ప్రస్తుతం తెలుగు సినిమాలకు భారీ ఎత్తున ప్రపంచవ్యాప్తంగా గుర్తింపు ఉండటంతోపాటు తెలుగు లో సూపర్ డూపర్ హిట్ అయిన సినిమాలు బాలీవుడ్ ఇండస్ట్రీకి చెందిన వాళ్లు తీయటానికి ఇష్టపడుతున్నారు. అంతే కాకుండా టాలీవుడ్ డైరెక్టర్లతో పని చేయడానికి బాలీవుడ్ పెద్ద పెద్ద నిర్మాణ సంస్థలు కూడా ముందుకు వస్తున్నాయి. ఈ నేపథ్యంలో టాలీవుడ్ క్రేజ్ ను.. బాలీవుడ్ లో మిల్కీ బ్యూటీ తమన్నా తనదైన శైలిలో వాడుకుంటూన్నట్లు… సినిమా ఇండస్ట్రీలో గుసగుసలు వినిపిస్తున్నాయి.
Anchor Srimukhi: రేటింగ్ కోసం ఏకంగా అంతకి దిగజారిన శ్రీముఖి.. ఘోరమైన ట్రోల్స్..!