తమిళ హీరో విక్రమ్ అందరికీ సుపరిచితుడే. తెలుగు మరియు తమిళంలో తిరుగులేని మార్కెట్ ఉంది. ముఖ్యంగా శంకర్ దర్శకత్వంలో నటించిన అపరిచితుడు సినిమాతో తెలుగు ప్రేక్షకులకు గుర్తుండిపోయాడు. సినిమాలో ఎటువంటి పాత్ర అయినా చేస్తూ.. వెండి తెరపై ప్రేక్షకులను అలరిస్తూ.. ఎంతోమంది హృదయాలను కొల్లగొట్టాడు. కాగా ఫిజికల్ గా కూడా విక్రమ్ మంచి ఫిట్ గా ఉంటాడు.
అటువంటి విక్రమ్ ఈరోజు గుండెపోటుకు గురి కావటం జరిగింది అంట. దీంతో వెంటనే కుటుంబ సభ్యులు చెన్నైలోని కావేరి ఆసుపత్రిలో జాయిన్ చేశారట. విక్రమ్ ప్రస్తుతం ఐసీయూలో చికిత్స తీసుకుంటున్నారు. పరిస్థితి ఇలా ఉంటే ఈ రోజు సాయంత్రం 6 గంటలకు “పొన్నియన్ సెల్వన్” సినిమాకి సంబంధించి టీజర్ కార్యక్రమానికి హాజరు కావాల్సి ఉంది. ఇటువంటి తరుణంలో గుండెపోటుకు హీరో విక్రమ్ గురికావడం ఆయన అభిమానులకు టెన్షన్ పుట్టిస్తుంది.
విక్రం త్వరగా కోలుకోవాలని.. పూర్తి ఆరోగ్యంతో బయటపడాలని అభిమానులు భగవంతునికి ప్రార్ధనలు చేస్తున్నారు. మామూలుగా స్టోరీ పరంగా విక్రమ్ ఎంతటి సాహసానికైనా రెడీ కావడం తెలిసిందే. గతంలో శంకర్ దర్శకత్వంలో “ఐ” సినిమా కోసం చాలా బరువు తగ్గాడు. అదే సినిమాలో మరో పాత్ర కోసం చాలా బరువు కూడా పెరగడం జరిగింది. శారీరకంగా ఎంతో దృఢంగా ఉండే హీరో విక్రమ్ కి గుండెపోటు రావటం వార్త తెలుసుకొని మిగతా సినీ ప్రేమికులు కూడా షాక్ అవుతున్నారు. ప్రస్తుతం చెన్నై ఆసుపత్రిలో విక్రమ్ కి చికిత్స జరుగుతుంది.
