Tamil Nadu: The Family Man-2: ది ఫ్యామిలీ మ్యాన్-2 Tamil Nadu: The Family Man-2 వెబ్ సిరీస్ తొలి భాగం సూపర్ హిట్టయింది. దీనికి కొనసాగింపుగా ఇప్పుడు రెండో భాగం తెరకెక్కించారు దర్శక ద్వయం రాజ్ నిడుమోరు. కృష్ణ డీకే. ఈ వెబ్ సిరీస్ రెండో భాగంలో స్టార్ హీరోయిన్ సమంత ఉగ్రవాదిగా నటించింది. ఇక్కడే అసలు సమస్య మొదలైంది. తమిళ ఈలం సభ్యుల్ని ఉగ్రవాదులుగా చిత్రీకరించడంపై తమిళనాడు ప్రభుత్వం కన్నెర్ర చేసింది. ‘తమిళనాడులో సామరస్యత దెబ్బ తినకుండా ఉండాలంటే వెబ్ సిరీస్ రిలీజ్ ను అడ్డుకోండి’ అంటై రాష్ట్ర ఐటీ మంత్రి మనో తంగరాజ్.. కేంద్ర మంత్రి ప్రకాశ్ జవదేకర్ కు లేఖ రాశారు. ప్రస్తుత కరోనా సమయంలో కూడా ది ఫ్యామిలీ మ్యాన్2 సిరీస్ కాక రేపుతోంది.
శ్రీలంకలో తమిళులకు జరుగుతున్న అన్యాయం, వివక్షపై పుట్టిందే ఎల్టీటీఈ (లిబరేషన్ టైగర్స్ ఆఫ్ తమిళ ఈలం). వేలుపిళ్లై ప్రభాకరన్ నాయకత్వంలో శ్రీలంక సైన్యానికి ధీటుగా ప్రైవేట్ సైన్యాన్ని తయారు చేశాడు. శ్రీలంక ప్రభుత్వానికి నిద్రలేకుండా పెద్ద గెరిల్లా యుద్ధమే నడిపాడు. ఉత్తర, తూర్పు శ్రీలంకలో తమిళ రాజ్యం ఏర్పాటే లక్ష్యంగా పోరాటం చేశాడు. దివంగత ప్రధాని రాజీవ్ గాంధీ హత్య కేసు సూత్రధారి కూడా ప్రభాకరనే. అయినా.. తమిళులకు ప్రభాకరన్ హీరో. దశాబ్దాల అంతర్యుద్ధం తర్వాత 2009లో ప్రభాకరన్ తో జరిపిన యుద్ధంలో అతని కుటుంబసభ్యులతో సహా దారుణంగా హతమార్చింది సైన్యం. అక్కడితో ప్రభాకరన్ పోరాటం ముగిసింది. శ్రీలంకలో తమిళుల హక్కులను కాపాడటమే ధ్యేయంగా అతను నడిపిన పోరాటం తమిళులకు గర్వకారణం.
Read More: Samantha: The Family man2: ఫ్యామిలీ మేన్-2.. సమంత మాయ చేస్తుంది కానీ తప్పు చేస్తుందా?
ఇప్పుడు అదే తమిళ ఈలంను సమంతతో చేయించి ఉగ్రవాదిగా చూపించమే ప్రస్తుత వివాదానికి కారణమైంది. తమిళ హక్కుల కోసం పోరాటం చేసే తమిళ ఈలం సభ్యులను ఉగ్రవాదిగా చూపించడం వారు జీర్ణించుకోలేకపోతున్నారు. అయితే.. కేవలం రెండు నిమిషాల ట్రైలర్ చూసి ఒక అంచనాకు రావొద్దని దర్శకులు రాజ్, డీకే, హీరో మనోజ్ బాజ్ పేయి అంటున్నారు. తమిళ సంప్రదయం, సంస్కృతికి ఎక్కడా భంగం కలగకుండా.. వారి గౌరవాన్ని పెంచేలా సినిమా ఉంటుందని హామీ ఇస్తున్నారు. కానీ.. తమిళుల పట్టిన పట్టు వీడరు. హిందీ జాతీయ భాష ప్రకటనపై తమిళుల్లో వచ్చిన వ్యతిరేకతకు ప్రధానే వచ్చి తమిళనాడులో ప్రకటన చేసేలా చేశారు. మరి.. ఈసారేం జరుగుతుందో చూడాలి.
Gruhalakshmi: అవకాశాలు కావాలంటే క్యాస్టింగ్ కౌచ్ కి ఓకే చెప్పాల్సిందే... గృహలక్ష్మి ఫేమ్ తులసి సంచలన వ్యాఖ్యలు..!