కరోనా వైరస్ ఎంట్రీ తో సినిమా ఇండస్ట్రీలో చాలా మార్పులు రావడం జరిగింది. ఒకప్పుడు ఓటిటి అంటే చిన్నాచితక అది కూడా వెబ్ సిరీస్ వంటి సినిమాలకు కేరాఫ్ అడ్రస్ గా ఉండేది. కానీ ఎప్పుడైతే మహమ్మారి ఎంట్రీ ఇవ్వటం జరిగిందో పరిస్థితులు మొత్తం తారుమారు కావడం తెలిసిందే. ప్రభుత్వాలు తీసుకునే కొన్ని నిర్ణయాలు వల్ల ప్రారంభంలో పలు సినిమాలు థియేటర్ లో రిలీజ్ కావలసినవి ఓటిటిలో విడుదల చేయడం జరిగింది.
కాస్తో … కూస్తో క్రేజ్ ఉన్న హీరోలు మాత్రమే ప్రారంభంలో ఓటిటికి జై కొట్టారు. కానీ రాను రాను పరిస్థితి మారడంతో పాటు సినిమా థియేటర్ లో విడుదలైన కొద్ది రోజులకే ఓటిటి కి వచ్చేయడంతో డిస్ట్రిబ్యూటర్లతో పాటు సినిమా ధియేటర్ల యాజమాన్యం చాలా నష్టాలు చూసే పరిస్థితి ఇటీవల నెలకొంది. భారీ బడ్జెట్ సినిమాలు కూడా.. తక్కువ టైంలోనే ఓటిటి లోకి వచ్చేస్తున్నాయి. సినిమా ఏమాత్రం ఫ్లాప్ అయితే రెండు వారాల లోపే ఓటిటి లోకి ప్రత్యక్షమవుతుంది. దీంతో డిస్ట్రిబ్యూటర్ లు చాలా నష్టపోతున్నారు.
ఈ పరిణామంతో ఇప్పుడు తెలుగు ఫిలిం చాంబర్.. సినిమా డిస్ట్రిబ్యూటర్ మరియు సినిమా ధియేటర్ ల యాజమాన్యాలు నష్టపోకుండా ఓటిటి విడుదల విషయంలో సంచలన నిర్ణయాలు తీసుకోవడం జరిగింది. భారీ బడ్జెట్ సినిమాలు పది వారాల గ్యాప్ తర్వాత ఓటిటి లోకి విడుదల చేయాలని కొత్త రూల్ తీసుకురావడం జరిగింది. ఆ తర్వాత చిన్న బడ్జెట్ సినిమా 6 కోట్ల కంటే తక్కువ బడ్జెట్ కలిగిన సినిమా నాలుగు వారాల గ్యాప్ తర్వాత ఓటిటి లోకి విడుదల చేసే అవకాశం కల్పిస్తూ తెలుగు ఫిలిం ఛాంబర్ ఆఫ్ కామర్స్ ఓటిటి విడుదలకు సంబంధించి కొత్త నిర్ణయం తీసుకోవడం జరిగింది.