కాపీ ట్యూన్స్ కొడతాడు.. వాయిద్యాల హోరుతో సాహిత్యాన్ని చంపేస్తాడు.. ఇలాంటి పేరు తెచ్చుకున్న తమన్కి తొలిప్రేమ మంచి బ్రేక్ ఇచ్చింది. ఓ రకంగా చెప్పాలంటే సెకండ్ ఇన్నింగ్స్లా ఆ సినిమా ఉపయోగపడింది. వెంటనే త్రివిక్రమ్, ఎన్టీఆర్ కాంబినేషన్లో చేసిన అరవిందసమేత కూడా తమన్కు మంచి పేరు తెచ్చిపెట్టింది. అరవిందసమేత సమయంలో తమన్ మ్యూజిక్ పరంగా కీ రోల్ పోషించాడు కాబట్టి.. తమన్నే బన్ని సినిమాకు తీసుకోవాలని త్రివిక్రమ్ అనుకుంటున్నాడట.
జులాయి, సన్నాఫ్ సత్యమూర్తి సక్సెస్ల తర్వాత బన్ని, త్రివిక్రమ్ కాంబినేషన్లో సినిమా రానున్న సంగతి తెలిసిందే. ఈ సినిమాలో బన్ని జతగా పూజా హెగ్డే నటించే అవకాశం ఉంది. ఈ సినిమా బన్ని, త్రివిక్రమ్కు హ్యాట్రిక్ మూవీ ఎలాగో, తమన్ సంగీతం అందిస్తే .. బన్నికి, తమన్కి కూడా హ్యాట్రిక్ మూవీ అవుతుంది. ఇంతకు ముందు బన్ని నటించిన రేసుగుర్రం, సరైనోడు చిత్రాలకు తమన్ సంగీతం అందించాడు. ఈ సినిమాతో మ్యూజిక్ పరంగా మెప్పించి బన్నితో హ్యాట్రిక్ కొట్టాలనుకుంటున్నాడట తమన్.