Sarkaru Vaari Paata: థమన్ హైపిచ్చి అడ్డంగా బుక్కవుతాడా..?

Sarkaru Vaari Paata: థమన్ హైపిచ్చి అడ్డంగా బుక్కవుతాడా..? అంటూ ఇప్పుడు సోషల్ మీడియాలో నెటిజన్స్ కామెంట్స్ చేస్తున్నారు. అల వైకుంఠపురములో లాంటి భారీ హిట్ తర్వాత థమన్‌ను ఎవరూ పట్టుకోలేకపోతున్నారు. ఏ సినిమా చేసినా బ్లాక్ బస్టర్ మ్యూజిక్ ఇస్తున్నాడు. సినిమాకు బ్యాక్ గ్రౌండ్ మ్యూజిక్ కూడా అదిరిపోతుంది. అంతే కాదు దర్శక, నిర్మాతలకు అనుకున్న సమయంలో ఆల్బం ఇచ్చేస్తున్నాడు. అంతేకాదు సినిమా రిలీజ్ సమయానికి ముందే తన వర్క్‌ను పూర్తి చేసేస్తున్నాడు. ఇక మ్యూజిక్ పరంగా 100 పర్సెంట్ గ్యారెంటీ అనే నమ్మకం మేకర్స్‌కు ఇవ్వడంతో పాటు ప్రమోషన్స్‌కు ఫుల్ సపోర్ట్ చేస్తున్నాడు.

దాంతో టాలీవుడ్‌లో తెరకెక్కుతున్న మెజారిటీ సినిమాలకు థమన్ మ్యూజిక్ డైరెక్టర్‌గా ఫిక్స్ అవుతున్నాడు. అయితే కొన్ని సీన్స్‌కు థమన్ ఇచ్చే బీజీఎం కాపీ అని, సాంగ్స్ ట్యూన్స్ విషయంలో కాపీ కొడుతున్నాడని సోషల్ మీడియాలో నెటిజన్స్ కామెంట్స్ చేయడం ట్రోల్ చేయడం ఈ మధ్య బాగా ఎక్కువైపోయింది. ఇక థమన్ సినిమా ప్రమోషన్స్‌లో భాగంగా అత్యుత్సాహం కూడా చూపిస్తున్నాడు. తన వైపు నుంచి ప్రేక్షకుల్లో భారీగా హైప్ క్రియేట్ చేయడానికి బాగా సోషల్ మీడియాలో పోస్టులు పెడుతూ కష్టపడుతున్నాడు.

Sarkaru Vaari Paata: ఈ పాటతో థమన్‌కు ఎలాంటి అనుభవాలు ఎదురవుతాయో.

థమన్ ప్రస్తుతం సంగీతం అందిస్తున్న సినిమాలల్లో సూపర్ స్టార్ మహేశ్ బాబు, కీర్తి సురేశ్ జంటగా నటిస్తున్న సర్కారు వారి పాట ఒకటి. ఈ సినిమాకు పరశురాం దర్శకత్వం వహిస్తున్నాడు. అయితే ఆ మధ్య వచ్చిన మొదటి పాట కళావతి విషయంలో మంచి హైప్ క్రియేట్ చేశాడు. అలాగే, సాంగ్ కూడా హిట్ అయి ఇంకా ట్రెండింగ్‌లో ఉంది. ఇప్పుడు రెండవ పాట పెన్ని గురించి తాజాగా ట్వీట్ చేసి ఇలాగే హైప్ క్రియేట్ చేశాడు. థమన్ పెట్టిన వాయిస్ పోస్ట్‌లో ఈ పాట చాలా బాగా వచ్చిందని..కళావతి కంటే భారీ హిట్ అవుతుందని బజ్ క్రియేట్ చేశాడు. దాంతో మహేశ్ అభిమానులు హ్యాపీగా ఉన్నారు. కానీ నెటిజన్స్ మాత్రం పాట బాగోలేకపోతే ..అంటూ కామెంట్స్ చేస్తున్నారు. చూడాలి మరి ఈ పాటతో థమన్‌కు ఎలాంటి అనుభవాలు ఎదురవుతాయో.

#PennySong 💣 pic.twitter.com/UoVLSRmXTV

— thaman S (@MusicThaman) March 18, 2022

GRK

See Full Bio