Pawan Kalyan: పవర్ స్టార్ పవన్ కళ్యాణ్ తో సినిమా చాలా మంది డైరెక్టర్లు నిర్మాతలు ఎంతగానో ఆశగా ఎదురు చూస్తూ ఉంటారు. ఇండస్ట్రీలో చాలామంది డైరెక్టర్ల డ్రీం కూడా. ఒక్కసారి ఆయనతో సినిమా చేస్తే చాలు అది హిట్ అయిందంటే.. కెరియర్ గ్రాఫ్ మామూలుగా ఉండదని ఇండస్ట్రీ జనాలు బలంగా నమ్ముతారు. పవన్ కళ్యాణ్ తో హిట్టు కొట్టిన డైరెక్టర్లు ఇప్పుడు స్టార్ డైరెక్టర్లుగా ఇండస్ట్రీలో చలామణి అవుతున్న సంగతి తెలిసిందే. అటువంటి పవన్ కళ్యాణ్ సినిమాల పరంగా మాత్రమే కాక వ్యక్తిత్వంగా చాలా భిన్నమైన వ్యక్తి అని ఆయన సన్నిహితులు చెబుతుంటారు.
ఈ నేపథ్యంలో పవన్ కళ్యాణ్ గురించి ఇండస్ట్రీలో టాప్ మ్యూజిక్ డైరెక్టర్ ఇటీవల ఓ ప్రముఖ టీవీ న్యూస్ ఛానల్ కు ఇచ్చిన ఇంటర్వ్యూలో సంచలన కామెంట్ చేశారు. ఆయన మరెవరో కాదు తమన్. ఇండస్ట్రీలో గత ఏడాది అలవైకుంటపురములో సినిమా నుండి వరుస మ్యూజికల్ హిట్స్ అందిస్తున్న తమన్ ఇటీవల పవన్ కళ్యాణ్ నటించిన అఖిల్ షాప్ సినిమా కి అదిరిపోయే మ్యూజిక్ అందించారు. ఈ సందర్భంగా ఇంటర్వ్యూలో పవన్ ప్రస్తావన వచ్చినప్పుడు ఆయన అంటే తనకు చాలా భయం అని తమ నిర్మొహమాటంగా చెప్పారు.
సినిమా పరంగా మాత్రమే కాక సొసైటీ పరంగా ఎంతగానో బాధ్యత కలిగిన వ్యక్తి అని కేవలం 5 సార్లు మాత్రమే ఆయనని ఇప్పటివరకు కలిసినట్లు తమన్ చెప్పుకొచ్చాడు. ఒకవేళ ఆయన తో కలిసిన సమయంలో సమాజానికి ఉపయోగపడాల్సిన ఐడియాలు తనవల్ల ..అనగా కన్వర్జేషన్ వల్ల మిస్ అవుతాయి అనే భావనతో ఎప్పుడు ఆయన్ను కలవడానికి ధైర్యం చేయలేదని తమన్ తెలిపారు. అందువల్లే వకీల్ సాబ్ ఫ్రీ రిలీజ్ వేడుక టైం లో ఆయన పక్కన ఫోటో దిగేటప్పుడు కూడా మాస్క్ తీయలేదని.. ఎందుకంటే తన వల్ల ఆయనకు ఏమైనా వైరస్ సోకుతుంది అనే భావనతో మీడియా వాళ్లు చెప్పిన గాని నేను ఆ విధంగానే వ్యవహరించడం జరిగింది అని పవన్ కళ్యాణ్ గారు అంటే తనకి ప్రత్యేకమైన అభిమానం అని తమన్ చెప్పుకొచ్చాడు.
