Yogi Babu: తమిళ నటులలో యోగి బాబు గురించి ప్రత్యేకంగా చెప్పాల్సిన పనిలేదు. ప్రస్తుతం చేతినిండా సినిమాలతో ఎంతో బిజీగా గడుపుతున్నారు.మొదట్లో కమెడియన్ గా నటిస్తూ మంచి గుర్తింపును సంపాదించుకున్న యోగిబాబు ప్రస్తుతం హీరోగా సినిమాలు చేస్తూ ఎంతో బిజీగా ఉన్నారు.ఒకవైపు కమెడియన్ గా మరోవైపు హీరో పాత్రలో నటిస్తూ తన అదృష్టాన్ని పరీక్షించుకుంటున్నాడు. తాజాగా యోగిబాబు హీరోగా నటించిన “మండేలా” చిత్రం విడుదలైంది.
యోగి బాబు హీరోగా నటించిన ఈ చిత్రం ప్రస్తుతం పెద్ద వివాదంలో చిక్కుకుందని చెప్పవచ్చు.యోగి బాబు నటించిన ఈ సినిమా ఒక సామాజిక వర్గాన్ని కించపరిచేలా ఉండటంతో ఈ సినిమాకి కూడా కష్టాలు తప్పలేదు. ఈ సినిమాలో కొన్ని సన్నివేశాలు నాయి బ్రాహ్మణులను కించపరిచే విధంగా ఉన్నాయంటూ నాయి బ్రాహ్మణుల కార్మికుల సంక్షేమ సంఘం చెన్నై పోలీస్ కమిషనర్ కార్యాలయంలో ఈ చిత్రం పై ఫిర్యాదు చేశారు.
మండేలా నాయిబ్రాహ్మణులు, వైద్యరంగం:
చెన్నైలోని నాయిబ్రాహ్మణుల కార్మిక సంక్షేమ సంఘం పోలీస్ కమిషనర్ కార్యాలయంలో మండేలా చిత్రంలో కేవలం నాయి బ్రాహ్మణులను కించపరిచడమే కాకుండా, వైద్య రంగానికి చెందిన దాదాపు 40 లక్షల మంది మనోభావాలు దెబ్బతినేలా ఉన్నాయంటూ వారు ఈ ఫిర్యాదులో పేర్కొన్నారు. ఒక సామాజిక వర్గాన్ని కించపరిచే విధంగా తెరకెక్కించిన ఈ సినిమా దర్శక నిర్మాతలతో పాటు యోగి బాబు పై కూడా చట్టపరమైన చర్యలు తీసుకోవాలని ఫిర్యాదులో పేర్కొన్నారు. అదేవిధంగా యోగి బాబు తమ సామాజిక వర్గాన్ని వారికి క్షమాపణ చెప్పాలని మరికొందరు డిమాండ్ చేస్తున్నారు. కమెడియన్ గా మంచి గుర్తింపును సంపాదించుకున్న యోగి బాబు ఈ క్రమంలోనే హీరోగా చేస్తున్న నేపథ్యంలో ఇలాంటి చిక్కులు రావడం అతని కెరియర్ పై ప్రభావం పరిస్థితులు ఉన్నాయంటూ పలువురు పేర్కొన్నారు.