God Father: మెగాస్టార్ చిరంజీవి కొత్త సినిమా గాడ్ ఫాదర్ దసరా పండుగ సందర్భంగా విడుదల కానున్న సంగతి తెలిసిందే. మలయాళం.. “లూసిఫర్” సినిమాకి రీమేక్ కావస్తున్న ఈ సినిమాలో చిరంజీవి రాజకీయ నాయకుడిగా కనిపిస్తున్నారు. అంతేకాకుండా ఈ సినిమాలో బాలీవుడ్ కండల వీరుడు సల్మాన్ ఖాన్ కూడా నటించడం జరిగింది. ఇక అతిధి పాత్రలో డైరెక్టర్ పూరీ జగన్నాథ్ నటించడం జరిగింది. ఇప్పటికే సినిమాకి సంబంధించి విడుదలైన వీడియోలు మరియు పాటలు ఫ్యాన్స్ ని ఉర్రూతలూగిస్తున్నాయి. అంతా బాగానే ఉన్నా గాని ఒక్క విషయంలో మాత్రం ఫ్యాన్స్ తెగ టెన్షన్ పడుతున్నారు.
మేటర్ లోకి వెళ్తే మెగాస్టార్ చిరంజీవి నటించిన సినిమాలలో ఇంగ్లీష్ టైటిల్స్ కలిగిన సినిమాలు సగానికి పైగా బాక్స్ ఆఫీస్ వద్ద పడ్డాయి. గాడ్ ఫాదర్ అనేది కూడా ఇంగ్లీష్ టైటిల్ కావడంతో అభిమానులు ఆందోళన చెందుతున్నారు. మొన్ననే “ఆ” సెంటిమెంట్ కారణంగా ఆచార్య అట్టర్ ప్లాప్ అయిందని ఫ్యాన్స్ భావించటం జరిగింది. “ఆ” అక్షరంతో మొదలయ్యే మెగా హీరోల సినిమాలు అజ్ఞాతవాసి, అన్నవరం, ఆరాధన, ఆపద్బాంధవుడు, ఆరెంజ్, ఆచార్య సినిమాలు అట్టర్ ప్లాప్ కావటం తెలిసిందే.
దీంతో ఇప్పుడు చిరంజీవి కెరియర్ లో ఇంగ్లీష్ టైటిల్స్ కలిగిన అత్యధిక సినిమాలు పరాజయం పాలు కావడంతో అదే సెంటిమెంట్ “గాడ్ ఫాదర్” కి రిపీట్ అవుతుందేమో అని ఆందోళనలో అభిమానులు ఉన్నారట. మరి “గాడ్ ఫాదర్” సినిమా ఫలితం ఎలా ఉంటుందో చూడాలి. ఈ సినిమాకి థమన్ అందించిన మ్యూజిక్ హైలైట్ గా ఉంటుందని చిరంజీవి అంటున్నారు. సునీల్, నయనతార, ప్రకాష్ రాజ్ ఇంకా భారీ తారాగణం ఈ సినిమాలో ఉండటంతో సినిమాపై భారీ అంచనాలు అభిమానులకు ఉన్నాయ్. ఆచార్య దారుణంగా అట్టర్ ప్లాప్ కావడంతో…ఫ్యాన్స్ ఆశలని ఈ సినిమాపైనే పెట్టుకోవడం జరిగింది.
