Rajamouli – Sukumar: బాహుబలి సినిమాలతో దర్శకుడు ఎస్ ఎస్ రాజామౌళి సృష్ఠించిన చరిత్ర ఏంతటిదో అందరికీ తెలిసిందే. అందుకే ఆ తర్వాత నుంచి అందరు దర్శకులు ఆయన మాదిరిగానే ప్రపంచ వ్యాప్తంగా పాన్ ఇండియన్ డైరెక్టర్ అనే క్రేజ్ అండ్ పాపులారిటీ తెచ్చుకోవాలని తెగ ఆరాటపడుతున్నారు. కానీ, ఆ స్థాయికి చేరుకోవడం చాలా కష్టమని చెప్పక తప్పదు. రాజమౌళి ఒక్కో సన్నివేశానికే చాలా సమయం తీసుకుంటారు. ఎడిటింగ్ రూమ్ లో సీన్ చూసినప్పుడు ఏమాత్రం సంతృప్తిగా అనిపించకపోయినా కూడా ఆ సీన్ను మళ్ళీ రీ షూట్ చేయలని డిసైడయిపోతారు.
అందుకే బాహుబలి సిరీస్ మాత్రమే కాకుండా ఆయన ఇప్పటి వరకు తీసిన ప్రతీ సినిమాలో సీన్స్ అద్భుతంగా ఉంటాయి. ఇక బాహుబలి పార్ట్ 1 క్లైమాక్స్ సీన్ ఒక్కటి చాలు కొన్నేళ్ళ పాటు చెప్పుకోవడానికి. బాహుబలిని కట్టప్ప ఎందుకు చంపాడు అని అందరికీ పజిల్ పెట్టి ముగించాడు. అదెందుకో తెలుసుకోవాలంటే పార్ట్ 2 చూడాల్సిందే అనే క్యూరియాసిటీని ప్రతీ ఒక్కరిలో కలిగించారు. ఈ ఒక్క సీన్తోనే బాహుబలి ది బిగినింగ్, కన్క్లూజన్ మధ్య రిలీజ్కు రెండేళ్ళ గ్యాప్ వచ్చినా ప్రేక్షకుల్లో ఏమాత్రం అంచనాలు తగ్గలేదు.
Rajamouli – Sukumar: సుకుమార్ను రాజమౌళితో పోల్చి కామెంట్స్ చేస్తున్నారు.
రెట్టింపు ఆసక్తి అంచనాలు పెంచేసింది ఆ ఒక్క సీన్. అయితే సుకుమార్ ఈ విషయంలో ఫెయిల్ అయ్యాడని పుష్ప క్లైమాక్స్ చూసిన అందరూ అభిప్రాయపడుతున్నారు. పుష్ప కూడా రెండు భాగాలుగా రూపొందుతోంది. ఇప్పటికే మొదటి భాగం వచ్చి సంచలన విజయాన్ని అందుకోగా ఫిబ్రవరి నుంచి రెండవ భాగం షూటింగ్ మొదలవబోతోంది. అయితే పుష్ప మొదటి భాగం ఎండింగ్ పుష్ప రాజ్ – శ్రీవల్లిల పెళ్ళితో ఎండ్ అవుతుంది. ఇది ఏమాత్రం పార్ట్ 2 మీద అంచనాలను కలిగించడం లేదు. ఇలాంటి ఎండింగ్
ఇచ్చినందుకు అందరూ సుకుమార్ను రాజమౌళితో పోల్చి కామెంట్స్ చేస్తున్నారు.