NTR 31: “RRR” విజయం తర్వాత ఎన్టీఆర్ ఇమేజ్ అమాంతం పెరిగిపోయింది. ఈ సినిమాతో పాన్ ఇండియా రేంజ్ లో తారక్ కి మంచి మార్కెట్ క్రియేట్ అయింది. “RRR” ఆస్కార్ రేసులో ఎన్టీఆర్ పేరు కూడా గట్టిగా వినపడుతుంది. భీమ్ పాత్రలో ఎన్టీఆర్ నటనకు ప్రపంచవ్యాప్తంగా మంచి ప్రశంసలు దక్కాయి. అయితే ఈ సినిమా తర్వాత.. “కేజిఎఫ్” దర్శకుడు ప్రశాంత్ నీల్ దర్శకత్వంలో ప్రాజెక్టు ప్రకటించడం జరిగింది. “NTR 31” వర్కింగ్ టైటిల్ తో ఈ ఏడాది ఎన్టీఆర్ పుట్టినరోజు ఉరా మాస్ లుక్ పోస్టర్ రిలీజ్ చేశారు.
అప్పట్లో ఈ సినిమా వచ్చేయాడాది ప్రారంభంలో స్టార్ట్ అవుతుందని అందరూ భావించారు. కానీ ఇటీవల “కేజిఎఫ్” నిర్మాతలు వచ్చే ఏడాది ప్రారంభంలో “కేజిఎఫ్” మూడో పార్ట్ స్టార్ట్ కానుందని చెప్పడం జరిగింది. ప్రశాంత్ నీల్ దర్శకత్వంలో తెరకెక్కుతున్న “సలార్” కంప్లీట్ అయిన వెంటనే “కేజిఎఫ్ 3” స్టార్ట్ కానుంది అని తెలిపారు. దీంతో ఎన్టీఆర్ ప్రాజెక్టు మరింత ఆలస్యం కానున్నట్లు తెలుస్తోంది. ఈ పరిణామంతో ప్రశాంత్ నీల్ హ్యాండ్ ఇచ్చేసినట్లే అని..టాక్ నడుస్తోంది. జనవరి 8 హీరో యాష్ పుట్టినరోజు కావటంతో… ఆరోజు “కేజిఎఫ్ 3” ప్రకటన ఉండనున్నట్లు ప్రచారం జరుగుతుంది.
దీంతో “NTR 31” ఇప్పుడప్పుడే మొదలయ్యే పరిస్థితి కాదని తెలుస్తోంది. ఇక ఇదే సమయంలో కొరటాల శివ దర్శకత్వంలో ఎన్టీఆర్ కొత్త సినిమా కూడా మొదలయ్యే పరిస్థితి ప్రస్తుతం లేని నేపథ్యంలో… “NTR 31” మరింత ఆలస్యం కానుందని గట్టిగా ఇండస్ట్రీలో ప్రచారం జరుగుతుంది. మైత్రి మూవీ మేకర్స్ బ్యానర్ ఈ సినిమాని నిర్మిస్తున్నట్లు ప్రకటన చేయడం జరిగింది. అయితే కొరటాల దర్శకత్వంలో వస్తున్న ఎన్టీఆర్ మూవీ మరింత ఆలస్యం అయ్యే అవకాశం ఉండటంతో.. ఆలోపు “KGF 3” కంప్లీట్ అయ్యే అవకాశం ఉన్నట్లు తెలుస్తోంది.
