మెగా మేనల్లుడుసాయిధరమ్‌తేజ్‌ సోదరుడు వైష్ణవ్‌ తేజ్‌ హీరోగా ఓ సినిమా రూపొందుతున్న సంగతి తెలిసిందే. త్వరలోనే రెగ్యులర్‌ షూటింగ్‌ ప్రారంభం కానుంది. మక్కల్‌ సెల్వన్‌ విజయ్‌సేతుపతి ఇందులో విలన్‌గా నటించబోతున్నారు. మైత్రీ మూవీ మేకర్స్‌ బ్యానర్‌తో పాటు సుకుమార్‌ రైటింగ్స్‌ బ్యానర్‌ ఈసినిమాను నిర్మించనుంది. ఈ సినిమాకు సంబంధించిన ప్రీ ప్రొడక్షన్‌ పనులు జరుగుతున్నాయి. లెటెస్ట్‌ న్యూస్‌ ప్రకారం ఈ సినిమాకు ‘జాలరి’ అనే టైటిల్‌ పరిశీలనలో ఉన్నట్లు వార్తలు వినపడుతున్నాయి. కానీ నిర్మాణ సంస్థ మాత్రం ‘ఉప్పెన’ అనే టైటిల్‌ను రిజిష్టర్‌ చేసింది. మరి అధికారికంగా ఏ టైటిల్‌ను పెడతారో తెలియాంటే కొన్ని రోజులు ఆగాల్సిందే.
