Dil Raju-Vijay-Vamsi Paidipalli: దిల్ రాజు-విజయ్-వంశీ పైడిపల్లి Dil Raju-Vijay-Vamsi Paidipalli: కాంబినేషన్లో ఓ సినిమా తెరకెక్కుతోందనే వార్త కొన్నిరోజులుగా టీటౌన్ లో వైరల్ అవుతోంది. కానీ.. దీనిపై ఇప్పటివరకూ ఎటువంటి క్లారిటీ లేదు. ప్రస్తుత కోవిడ్ పరిస్థితుల్లో ఇటువంటి విషయాలు రివీల్ చేయడానికి ఇండస్ట్రీ ప్రముఖులు పెద్దగా ఆసక్తి చూపడం లేదు. దీంతో విజయ్ తో దిల్ రాజు నిర్మాణంలో వంశీ పైడిపల్లి సినిమా వార్తలు ఉన్నా అఫిషియల్ న్యూస్ రాలేదు. అయితే.. వంశీ పైడిపల్లి ఈ కాంబినేషన్ పై అఫిషియల్ న్యూస్ రివీల్ చేయకపోయినా.. చిన్న క్లారిటీ అయితే ఇచ్చాడు. విజయ్ 66వ సినిమాను డైరక్ట్ చేయబోతున్నట్టు.. దిల్ రాజు నిర్మాణంలో ఈ సినిమా ఉంటుందని చెప్పాడు.
‘నా కెరీర్లో అతిపెద్ద ప్రాజెక్ట్ కోవిడ్ తగ్గిన తర్వాత ప్రారంభం కాబోతోంది. దిల్ రాజు నిర్మాణంలో ఈ సినిమా ఉంటుంది. ప్రస్తుత కోవిడ్ పరిస్థితులు చక్కబడ్డాక అధికారికంగా ప్రకటిస్తారు. మిగిలిన సమాచారమంతా సస్పెన్స్. ఇప్పటివరకూ నేను ఒకటి కంటే ఎక్కువ ప్రాజెక్టులు ఒకేసారి చేయలేదు. ఎందుకంటే ఒక సినీ డైరక్టర్ జీవితం అతని చివరి సినిమా ఎలా ఆడిందనే విషయంపైనే ఆధారపడి ఉంటుంది. దీనివల్ల నాకు ఓ సమస్య ఏర్పడుతోంది. స్వభావరీత్యా నేను కథకుడిని కాదు. అందువల్ల కథల కోసం రైటర్స్ పై ఆధారపడాలి. ఒక ప్రాజెక్టు పూర్తయ్యాక మళ్లీ కథ కోసం వెతుకులాట మొదలుపెట్టడంతో కాలం గడచిపోతోంది. అందుకే ఈ ప్రాజెక్టు తర్వాత చేయాలనుకుంటున్న కథను కూడా రెడీ చేసుకున్నా’ అని అన్నాడు.
Read More:Bollywood-Satyadev: బాలీవుడ్ క్రేజీ ప్రాజెక్టులో టాలీవుడ్ హీరో.. ఉమామహేశ్వరరావు..!!
నిజానికి మహేశ్ తో వంశీ పైడిపల్లి సినిమా చేయాల్సి ఉంది. కానీ.. అనేక సిట్టింగుల అనంతరం కూడా మహేశ్ కు నచ్చక ప్రాజెక్టు సెట్స్ పైకి వెళ్లలేదు. దీంతో మహర్షి తర్వాత వంశీ మళ్లీ సినిమా చేయలేదు. మధ్యలో రామ్ చరణ్ తో సినిమా అనుకున్నారు కానీ.. ఆ వార్తలపై ఎక్కడా అఫిషియల్ న్యూస్ రాలేదు. దీంతో వంశీ చెప్పిన కథ దిల్ రాజుకి నచ్చడం.. విజయ్ కు చెప్పి ఒప్పించడం జరిగిందని ఇండస్ట్రీలో టాక్ నడుస్తోంది. పూర్తి వివరాలు రావాల్సి ఉంది. ప్రస్తుతం విజయ్ సన్ ప్రొడక్షన్స్ లో తన 65వ సినిమా చేస్తున్నాడు.