Varun Tej: మెగా కాంపౌండ్ హీరోలలో మెగా ప్రిన్స్ వరుణ్ తేజ్… కెరియర్ మూడు పువ్వులు ఆరు కాయలు అన్న తరహాలో ఉన్న సంగతి తెలిసిందే. వరుస విజయాల మీద ఉన్న వరుణ్ తేజ్… మెగా కాంపౌండ్ లో పెద్ద హీరోల సినిమాలు రిలీజ్ కానీ సంవత్సరాలలో… భారీ హిట్లు బాక్సాఫీస్ దగ్గర నమోదు చేసుకుని మెగా ఫ్యాన్స్ దృష్టి తన వైపు మలుచుకున్నాడు. ప్రస్తుతం బాక్సింగ్ నేపథ్యంలో వరుణ్ తేజ్ ఓ సినిమా చేస్తున్నడు. ఈ సినిమా తర్వాత చేయబోయే సినిమా లో తన కెరీర్లో మరపురాని బ్లాక్ బస్టర్ సినిమాలో నటించిన హీరోయిన్ నీ రిపీట్ చేస్తున్నట్లు సమాచారం.
పూర్తి విషయంలోకి వెళితే శేఖర్ కమ్ముల దర్శకత్వంలో.. వరుణ్ తేజ్ నటించిన ఫిదా సినిమా భారీ బ్లాక్ బస్టర్ అయిన సంగతి తెలిసిందే. ఈ సినిమాలో హీరోయిన్ గా నటించిన సాయి పల్లవి కి మంచి పేరు వచ్చింది. తెలంగాణ పిల్లగా నటించి ఆడియన్స్ నీ ఎంతగానో ఆకట్టుకుంది. సినిమా మొత్తానికి హైలెట్ అయ్యింది. ఈ నేపథ్యంలో వరుణ్ తేజ్ తన అప్ కమింగ్ మూవీ లో మరోసారి సాయి పల్లవి తో చేయడానికి రెడీ అయినట్లు ఇండస్ట్రీలో టాక్ నడుస్తోంది.
ప్రేమకథా నేపథ్యంలో ఈ సినిమా తెరకెక్కుతున్న ట్లు… త్వరలోనే ఈ ప్రాజెక్ట్ కి సంబంధించి అధికారిక ప్రకటన రానున్నట్లు… ఇండస్ట్రీలో లేటెస్ట్ టాక్ నడుస్తోంది. వెంకీ కుడుముల దర్శకత్వంలో ఈ సినిమా తెరకెక్కుతోంది. చలో, భీష్మ సినిమాలతో అదిరిపోయే హిట్లు అందుకున్న ఈ డైరెక్టర్… త్వరలో వరుణ్ తేజ్ తో సినిమా చేయడానికి రెడీ అయినట్లు వార్తలు వస్తున్నాయి.