venkatesh: సినీ పరిశ్రమలో వారసత్వం అనేది చాలా కామన్. బాలీవుడ్ టు టాలీవుడ్ ను చూసుకుంటే ఎందరో హీరోహీరోయిన్లు, దర్శకనిర్మాతల పిల్లలు సినీ గడప తొక్కారు. వారిలో కొందరు సక్సెస్ ఫుల్గా రాణిస్తుంటే.. మరికొందరు సక్సెస్ కోసం ప్రయత్నాలు చేస్తూనే ఉన్నారు. ఈ క్రమంలోనే టాలీవుడ్ సీనియర్ స్టార్ హీరో విక్టరీ వెంకటేష్ తనయుడు అర్జున్ దగ్గుబాటి సైతం సినీ గడప తొక్కబోతున్నాడంటూ గతంలో వార్తలు వచ్చాయి.
అర్జున్ డబ్యూను వెంకటేష్ చాలా జాగ్రత్తగా ప్లాన్ చేస్తున్నట్లు కూడా ప్రచారం జరిగింది. అయితే తాజాగా కుమారుడి సినీ ఎంట్రీపై వెంకటేష్ ఎవరూ ఊహించని కామెంట్స్ చేశారు. ప్రస్తుతం వెంకీ `ఎఫ్ 3`తో ప్రేక్షకులను పలకరించేందుకు సిద్ధమవుతోన్న సంగతి తెలిసిందే. అనిల్ రావిపూడి దర్శకత్వంలో రూపుదిద్దుకున్న పక్కా ఫ్యామిలీ ఎంటర్టైనర్ మూవీ ఇది.
- Read the latest news from NEWSORBIT
- Follow us on facebook , Twitter , instagram and Googlenews
ఇందులో వెంకీ, వరుణ్ తేజ్ హీరోలుగా నటించగా.. వారి సరసన తమన్నా, మెహ్రీన్ హీరోయిన్లు చేశారు. కొద్ది రోజుల క్రితమే షూటింగ్ పూర్తి చేసుకున్న ఈ మూవీ మే 27న ప్రేక్షకుల ముందుకు రాబోతోంది. ఈ నేపథ్యంలోనే తాజాగా వెంకటేష్ ఓ ఇంటర్వ్యూలో పాల్గొన్నారు. ఆ సందర్భంగా అక్కడ అడిగిన అన్ని ప్రశ్నలకు ఆయన తనదైన శైలిలో సమాధానాలు ఇచ్చారు.
అయితే ఈ క్రమంలోనే యాంకర్ `మీ అబ్బాయి అర్జున్ను ఎప్పుడు లాంచ్ చేస్తున్నారు ?` అని ప్రశ్నించగా.. అందుకు వెంకీ `చదువుకుంటున్నాడు. ప్రస్తుతానికి అర్జున్ సినీ ఎంట్రీ గురించి ఎలాంటి ఆలోచనలు లేవు.` అంటూ బదులిచ్చారు. దాంతో అర్జున్ను హీరోగా చూడాలని భావిస్తున్న వెంకీ ఫ్యాన్స్ కాస్త కలవరపాటుకు గురయ్యారు.