తెలుగు ఇండస్ట్రీలో బాబాబయ్ అబ్బాయ్ కాంబినేషన్లో సినిమాలు రావడం.. రేర్గా జరిగే విషయమే.. నందమూరి బాలకృష్ణ, కల్యాణ్ రామ్ కాంబినేషన్లో అప్పుడెప్పుడో బాలగోపాలుడు సినిమా వచ్చింది. రీసెంట్ టైంలో యన్.టి.ఆర్ బయోపిక్ కథానాయకుడు, మహానాయకుడులో ఇద్దరూ కలిసి నటించారు. ఇక మెగా ఫ్యామిలీలో బాబాయ్ పవన్ కల్యాణ్, అబ్బాయ్ చరణ్లు కలిసి ఓ సినిమా కూడా చేయలేదు. ఇక బాబాయ్, అబ్బాయ్లు ఉన్న మరో ఫ్యామిలీ దగ్గుబాటి కుటుంబంలో వెంకటేష్, రానా కలిసి పనిచేశారు. కృష్ణంవందే జగద్గురుమ్ సినిమాలో ఓ పాటలో వెంకీ, రానా నటించారు. అయితే త్వరలోనే ఇదే కాంబినేషన్ లో సినిమా రానుంది. ప్రస్తుతం కథా చర్చలు జరుగుతున్నాయట. బిందాస్, రగడ వంటి సినిమాలను తెరకెక్కించిన దర్శకుడు వీరుపోట్ల దర్శకత్వంలో ఈ సినిమా రూపొందనుంది. ప్రస్తుతం మేనల్లుడు నాగచైతన్యతో `వెంకీమామ`చేస్తున్న వెంకటేష్.. తదుపరి రానాతోనే సినిమా చేస్తాడని వార్తలు వినపడుతున్నాయి. మరి చర్చలన్నీ పూర్తి చేసుకుని సినిమా మెటీరియల్ అవుతుందా? లేక చర్చల దశలోనే ఆగిపోతుందా? అని చూడాలి.
previous post
next post