నిజ జీవితంలో మామ, అల్లుడైన వెంక‌టేశ్‌, నాగ‌చైత‌న్యలు వెండితెర‌పై అదే పాత్ర‌ల్లో న‌టిస్తున్నారు. వీరిద్ద‌రూ క‌లిసి న‌టిస్తోన్న చిత్రం `వెంకీమామ`. బాబీ ద‌ర్శ‌క‌త్వంలో ఈ చిత్రం రూపొందుతోంది. సురేశ్ ప్రొడ‌క్ష‌న్స్, పీపుల్ మీడియా ఫిలిమ్ ఫ్యాక్ట‌రీ ప‌తాకాల‌పై డి.సురేశ్ బాబు, టి.జి.విశ్వ‌ప్ర‌సాద్ ఈ చిత్రాన్ని నిర్మిస్తున్నారు. ఈసినిమాను ముందుగా ద‌స‌రా పండుగ‌ను పుర‌స్క‌రించుకుని అక్టోబ‌ర్ 4న విడుద‌ల చేయాల‌ని అనుకున్నారు. కానీ అక్టోబ‌ర్ 2న మెగాస్టార్ చిరంజీవి `సైరా న‌ర‌సింహారెడ్డి` విడుద‌ల‌వుతుంది. చిరంజీవి సినిమా అంటే భారీ విడుద‌ల ఉంటుంద‌న‌డంలో సందేహం లేదు. కాబ‌ట్టి నిర్మాత‌లు `వెంకీ మామ` వాయిదా వేసుకుంటే బావుంటుంద‌ని ఆలోచ‌న‌లో ఉన్నార‌ని సినీ వ‌ర్గాల స‌మాచారం.
