వేణుమాధ‌వ్ ఒక స్టార్ క‌మెడియ‌న్ గా తెలుగు ఇండస్ట్రీలో ఒక వెలుగు వెలిగారు. కామెడీ కింగ్ గా ఆయ‌న‌కు పేరు ఉంది. ఆయ‌న న‌టించిన ప్ర‌తీ సినిమాలో త‌న‌దైన మార్క్ వేసుకుంటారు. కామెడీ కోరుకునే వారు వేణుమాధ‌వ్ సినిమాల‌ను భ‌లే ఇష్ట‌ప‌డ‌తారు. అలాంటి గొప్ప క‌మెడియ‌న్ ను తెలుగు సిని ఇండ‌స్ట్రీ కోల్పొయింది. ఆయ‌న 2019 సెప్టెంబ‌ర్ 25న వేణు మాధవ్ తుదిశ్వాస విడిచారు. చిన్న వ‌య‌సులో అనారోగ్యంతో ఆయ‌న మృతి చెందాడు.
అయితే ఆయ‌న బ్ర‌తికున్న‌ప్పుడు బ్ర‌హ్మానందంతో గొడ‌వ‌లు ఉండేవ‌ని పుకార్లు చాలా ఉండేవి. అయితే వీటిపై ఎన్న‌డూ బ్ర‌హ్మానందంగానీ, వేణుమాధ‌వ్ గానీ ఎన్న‌డూ బ‌య‌ట మాట్లడలేదు. దాంతో ఈ పుకార్లు అలాగే ఉండిపోయాయి. అయితే వేణు మాధవ్ చనిపోయిన త‌ర్వాత కూడా ఆయ‌న ఫ్యామిలీ దీనిపై ఎక్క‌డా మాట్లడలేదు. అయితే ఈ మ‌ధ్య వేణు మాధవ్ భార్యా, పిల్ల‌లు ఒక ఇంట‌ర్వ్యూలో పాల్గొన్నారు. అందులో వారు ప‌లు విష‌యాల‌ను పంచుకున్నారు.
వేణు మాధవ్ భార్య శ్రీవాణి, కొడుకులు సావికర్ , ప్రభాకర్ లు వేణు మాధవ్ గురించి ప‌లు విష‌యాల‌ను చెప్పారు. ఆయ‌న‌కు పరిశ్రమలోని పెద్దలతో ఉన్న అనుబంధాన్ని తెలియ‌జేశారు. అయితే వేణు మాధవ్ కు బ్ర‌హ్మానందంతో ఉన్న గొడ‌వ‌ల గురించి కూడా ప‌లు విష‌యాల‌ను పంచుకున్నారు. అస‌లు వేణుమాధ‌వ్ కు బ్ర‌హ్మానందానికి గొడ‌వ‌లే లేవ‌ని వారు చెప్పారు.
వారిద్ద‌రి మ‌ధ్య విబేధాలు ఉన్నాయ‌న్న‌ది కేవ‌లం పుకార్లు మాత్ర‌మే అని తెలిపారు. ఈ విష‌యంపై వేణు మాధవ్ భార్య శ్రీవాణి మాట్లాడుతూ.. వారిద్ద‌రూ అప్పుడ‌ప్పుడు సరదాగా తిట్టుకొనే వార‌ని తెలిపారు. దాని అర్థం చేసుకోలేని వారు వారిమ‌ధ్య గొడ‌వ‌లంటూ పుకార్ల‌ను సృష్టించారని తెలిపారు. నిజానికి వేణుమాధ‌వ్, బ్ర‌హ్మానందం మంచి స్నేహితుల‌ని తెలిపారు.
అలాగే వేణు మాధవ్ తీరిక లేకుండా షూటింగ్స్ లో పాల్గొనేవారని తెలిపారు. తమ ఇంటినుంచి వెళ్లే స‌మ‌యంలోనే త‌ను మేక‌ప్ వేసుకోవ‌డం, డైలాగ్స్ ను ప్రాక్టిస్ చేయ‌డం లాంటివి చేసేవాడ‌ని తెలిపారు. ఫ్యామిలీ కోసం ఎంతో కష్టపడి సంపాదించార‌ని ఆమె తెలిపారు. పవన్ కళ్యాణ్ , నాగబాబుల‌తో మంచి సంబంధాలు ఉండేవ‌ని ఆమె తెలిపారు.
