ఇప్పుడు విజయ్ దేవ‌ర‌కొండ‌కు పెద్ద స‌మస్యే వ‌చ్చిప‌డింది. అదేంటంటే.. విజయ్ దేవరకొండ హీరోగా భ‌ర‌త్ క‌మ్మ తెర‌కెక్కిస్తున్న చిత్రం `డియ‌ర్ కామ్రేడ్‌` . ఈ సినిమాను తెలుగుతో పాటు త‌మిళం, క‌న్న‌డ, మ‌ల‌యాళ భాషల్లో విడుద‌ల చేసేలా ప్లాన్స్ చేస్తున్నారు. టీజ‌ర్‌ను కూడా నాలుగు భాష‌ల్లోనే విడుద‌ల చేశారు. ద‌క్షిణాది హీరోగా నిల‌దొక్కుకోవ‌డానికి విజయ్ దేవరకొండ తొలి ప్ర‌య‌త్నం `డియ‌ర్ కామ్రేడ్‌`తోనే మొద‌లైంది. ఈ సినిమాను మే 31న విడుద‌ల చేయాల‌నుకున్నారు. అయితే .. ఇదే రోజున సూర్య `ఎన్‌.జి.కె` కూడా విడుద‌ల‌వుతుంది. సూర్య‌కు తెలుగుతో పాటు త‌మిళంలో కూడా మంచి స్లాట్ దొరుకుతుంద‌న‌డంలో సందేహం లేదు. మే 31న ప్రేక్ష‌కుల ముందుకు వ‌స్తే `డియ‌ర్ కామ్రేడ్‌`కు తెలుగులో ఇబ్బంది లేక‌పోవ‌చ్చు కానీ.. త‌మిళంలో మాత్రం ఇబ్బంది క‌లిగే అవ‌కాశం ఉంది. కాబ‌ట్టి ఈ క్లాష్ ఎందుక‌ని ఆలోచిస్తున్నాడ‌ట ఈ క్రేజీ స్టార్. ఓ వారం వెనుక‌గా వ‌స్తే వ‌చ్చే న‌ష్ట‌మేముంద‌ని ఆలోచ‌నైతే చేస్తున్నాట్ట. మ‌రి అధికారికంగా ఎలాంటి నిర్ణ‌యం తీసుకుంటారో చూద్దాం.
