హీరో విజయ్ దేవరకొండ తన వ్యక్తిగత జీవితం గురించి చాలా గోప్యంగా ఉంటాడు. అతను ఏ సోషల్ మీడియా లేదా పబ్లిక్ ప్లాట్ ఫారమ్ లలో దాని గురించి బహిరంగంగా మాట్లాడడు.. ఇటీవల ఇంటర్వ్యూలో విజయ్ దేవరకొండ ప్రేమ జీవతం, సంబంధాల గురించి బహిరంగంగా మాట్లాడాడు. ప్రేమలో ఉండటాన్ని ఇష్టపడతానని, కానీ, ఐ లవ్ యు టూ అని ఎవరికీ చెప్పలేదని అన్నాడు. ఇటీవల విజయ్ దేవరకొండ నటి రష్మిక మందన్నతో డేటింగ్ చేస్తున్నట్లు వార్తలు వచ్చాయి. అయితే విజయ్ వాటిని అంగీకరించలేదు.
విజయ్ దేవరకొండ సుదీర్ఘకాలం తన లేడీ లవ్ తో సంబంధంలో ఉన్నట్లు తెలిపాడు. ఇటీవల ప్రఖ్యాత మ్యాగజైన్ కి ఇచ్చిన ఇంటర్వ్యూలో ప్రేమ గురించి తన తండ్రి నేర్పిన పాఠం ఏంటో చెప్పుకొచ్చాడు విజయ్ దేవరకొండ.. తన చిన్నతనంలో తన తండ్రి ప్రేమ కంటే డబ్బు ముఖ్యమైందని నేర్పించాడని తెలిపాడు. అప్పటి నుంచి డబ్బే ఈ ప్రపంచానికి కేంద్రం అని నమ్ముతూ వచ్చానని అన్నాడు. డబ్బే సర్వస్వం అని, డబ్బు ఉంటేనే మనకు ప్రతి ఒక్కటి దక్కుతుందని, డబ్బు ఉంటేనే ప్రజలు నిన్ను ప్రేమిస్తారని, గౌరవిస్తారని తన తండ్రి చెప్పారుని తెలిపాడు. తన తండ్రి మాటలు ఎంత నాటుకుపోయాయంటే.. పెద్దయ్యాక తనకు సంబంధాలపై నమ్మకం లేదన్నాడు. తన దగ్గరికి వచ్చేవారంతా కోరికతో వచ్చారని నమ్మేవాడినని అన్నాడు. ఎవరైనా తనను ప్రేమిస్తున్నారని చెప్పినప్పుడు తాను ఎప్పుడూ వారిని ప్రేమిస్తున్నానని చెప్పలేదన్నాడు.
అయితే తన ప్రేమ ఆలోచనను తన గర్ల్ ఫ్రెండ్ మార్చిందన్నాడు. అయితే ఆ గర్ల్ ఫ్రెండ్ పేరును విజయ్ దేవరకొండ ప్రస్తావించలేదు. నడుటయ్యాక తనకు ప్రేమ గురించి చాలా నేర్పిన ఒక సంబంధం ఉందన్నాడు. ప్రేమ కంటే డబ్బుకు ప్రాధాన్యత ఇస్తున్నందుకు విచారం వ్యక్తం చేశాడు. ఏ స్వార్థం లేకుండా కూడా ఎవరైనా ప్రేమిస్తారని గ్రహించానని చెప్పాడు. తన తండ్రి నేర్పిన పాఠం తప్పని తెలుసుకోవడానికి తనకు చాలా సమయం పట్టిందన్నాడు. తన తండ్రి నేర్పిన పాఠం తప్పని, అయితే ఆ పాఠమే తనను ఈ స్థాయికి చేర్చిందని తెలిపాడు. తాను కోరుకున్నది సాధించానని అన్నాడు..
తన గర్ల్ ఫ్రెండ్ తో సంబంధం ఎక్కువ కాలం కొనసాగలేదని విజయ్ దేవరకొండ చెప్పాడు. ఈక్రమంలో స్నేహితులను, సంబంధాలను కోల్పోయానని అన్నాడు. చాలా ఖర్చు పెట్టాల్సి వచ్చిందన్నాడు. ఇతర విషయాలలో స్వేచ్ఛ లేదని, లక్ష్యంపైనే దృష్టి పెట్టాల్సి వచ్చిందని తెలిపాడు. ఏమీ లేని దశ నుంచి నటుడు కావాలనుకున్నప్పుడు ఇతర ఆలోచనలు లేకుండా పూర్తి ఫోకస్ పెట్టాలన్నాడు.
కాగా, విజయ్ దేవరకొండ 2018లో తన బెల్జియం గర్ల్ ఫ్రెండ్ విరిజిన్ తో డేటింగ్ లో ఉన్నట్లు అభిమానులు ఊహిస్తున్నారు. అంతేకాదు ఆమెతో విజయ్ సన్నిహితంగా ఉన్న ఫొటోలు కూడా ఇంటర్నెట్ లో ప్రత్యక్షం కావడం గమనార్హం..అయితే విజయ్ దేవరకొండ మాత్రం ఆమె పేరును వెల్లడించలేదు.. విజయ్ దేవరకొండ నటించిన ‘లైగర్’ సినిమా ఆగస్టు 25న ప్రపంచ వ్యాప్తంగా విడుదల అయ్యింది.
Shobha Shetty: ఆ పార్ట్స్ చూపిస్తూ రోడ్ ఎక్కిన శోభా శెట్టి.. ఘోరంగా ట్రోల్స్..!