Vijay Deverakonda: “అర్జున్ రెడ్డి” సినిమాతో ఓవర్ నైట్ లోనే విజయ్ దేవరకొండ తనకంటూ సపరేట్ క్రేజ్.. మార్కెట్ క్రియేట్ చేసుకోవడం జరిగింది. ఈ సినిమా తరువాత “గీతగోవిందం” అనే క్లాసిక్ సినిమాతో మరింతగా యూత్ ఫాలోయింగ్ పెంచుకున్న రౌడీ విజయ్ దేవరకొండ ప్రస్తుతం పూరి జగన్నాథ్ దర్శకత్వంలో “లైగర్” అనే పాన్ ఇండియా సినిమా చేస్తున్న సంగతి తెలిసిందే. గీతా గోవిందం సినిమా తర్వాత వరుస ప్లాపుల్లో ఉన్న విజయ్ దేవరకొండ ఈ సినిమాపై అంచనాలు ఓ రేంజిలో పెట్టుకున్నాడు.
ఈ విషయం పక్కన పెడితే విజయ్ దేవరకొండ కి.. వరుస ప్లాపులు వస్తున్న గాని సోషల్ మీడియాలో క్రేజ్ ఏ మాత్రం తగ్గటం లేదు. ఒకపక్క సినిమారంగంలో మరోపక్క తన టీంతో కలసి అనేక కార్యక్రమాలు చేస్తూ సమాజంలో చాలామంది ఉపయోగపడుతున్న విజయ్ దేవరకొండ.. క్లిష్ట సమయంలో ప్రజలను చైతన్య పరిచే ప్రభుత్వ కార్యక్రమాల్లో కూడా పాల్గొంటూ తన వంతు కృషి చేస్తున్నారు. దీంతో విపరీతంగా ఫాలోయింగ్ పెరిగిపోవడంతో విజయ్ దేవరకొండ సోషల్ మీడియాలో తిరుగులేని స్టార్ గా మారిపోయాడు.
మేటర్ లోకి వెళ్తే ఇంస్టాగ్రామ్ లో ఏకంగా 11.8 మిలియన్ ఫాలోవర్స్ కూడగట్టుకొని అందరికీ షాకిచ్చాడు. ఈ క్రమంలో విజయ్ దేవరకొండ తర్వాత ఆ స్థాయిలో సోషల్ మీడియాలో రాణిస్తున్న హీరో స్టైలిష్ స్టార్ అల్లు అర్జున్. ఈ ఇద్దరు హీరోల కి సోషల్ మీడియాలో నెటిజన్లు బ్రహ్మరథం పడుతున్నారు. ఇదిలా ఉంటే సోషల్ మీడియా మెయింటెన్ చేయడం కోసం వీరిద్దరికీ ప్రత్యేకమైన టీం కూడా ఉన్నట్లు అందువల్లే ఇంత ఫాలోయింగ్ వచ్చినట్లు తాజా వార్త పై మరికొంత మంది నెటిజన్లు కామెంట్లు చేస్తున్నారు. ఏదిఏమైనా ఇండస్ట్రీలో అతి తక్కువ టైమ్ లోనే చాలా ఫ్యాన్ ఫాలోయింగ్ పెంచుకుంటూ పోతూ ఉన్నాడు విజయ్ దేవరకొండ.