Vijay Deverakonda: వరుస పరాజయాలతో విజయ్ దేవరకొండ సతమతమవుతున్న సంగతి తెలిసిందే. ఇటీవలే ఎన్నో ఆశలు పెట్టుకుని దాదాపు రెండున్నర సంవత్సరాలు టైం కేటాయించి తీసిన “లైగర్” బాక్సాఫీస్ వద్ద బోల్తా పడింది. ఈ సినిమా పరాజయం విజయ అభిమానులను ఎంతగానో కృంగదీసింది. ఈ క్రమంలో ప్రస్తుతం శివ నిర్వాణ దర్శకత్వంలో “ఖుషి” అనే ప్రేమ కథ నేపథ్యం సినిమా విజయ్ చేస్తున్న సంగతి తెలిసిందే. ఈ సినిమా డిసెంబర్ నెలలో విడుదల చేస్తున్నట్లు ప్రారంభంలో ప్రకటించారు. కానీ ఈ సినిమాలో హీరోయిన్ సమంత ఇటీవల అనారోగ్యానికి గురి కావటం తెలిసిందే.
ఇటువంటి తరుణంలో ఈ సినిమా విడుదల పై రకరకాల వార్తలు సోషల్ మీడియాలో ప్రచారం జరుగుతోంది. ఇలాంటి తరుణంలో “ఖుషి” సినిమా రిలీజ్ విషయంలో విజయ్ దేవరకొండ క్లారిటీ ఇచ్చారు. డిసెంబర్ నెలలో విడుదల కావాల్సిన ఈ సినిమా ఫిబ్రవరి నెలలో విడుదల చేసే ఆలోచనలో ఉన్నట్లు తెలిపారు. దీంతో ప్రేమికుల దినోత్సవం సందర్భంగా ఫిబ్రవరి 14వ తారీకు…”ఖుషి” రిలీజ్ చేసే అవకాశాలు ఉన్నట్లు ఇండస్ట్రీ వర్గాలు అంటున్నాయి. మరోపక్క విజయ్ దేవరకొండ బాలీవుడ్ ఇండస్ట్రీలో వరుస అవకాశాలు వస్తూ ఉన్నాయట.
కరణ్ జోహార్ ఇటీవల ఓ ప్రముఖ బాలీవుడ్ డైరెక్టర్ చేత విజయ్ దేవరకొండకి స్టోరీ వినిపించినట్లు ప్రచారం జరుగుతుంది. రెడ్ చిల్లీస్ ఎంటర్టైన్మెంట్ విజయ్ దేవరకొండ తో ఓ రొమాంటిక్ ఎంటర్టైన్మెంట్ ప్రాజెక్టు ప్లాన్ చేస్తున్నట్లు వార్తలు వస్తున్నాయి. ఒకపక్క బాలీవుడ్ తో పాటు మరోపక్క “గీతగోవిందం” డైరెక్టర్ పరుశురామ్ దర్శకత్వంలో కూడా… విజయ్ దేవరకొండ సినిమా చేయడానికి రెడీ అవుతున్నట్లు ప్రచారం జరుగుతుంది. ఏదిఏమైనా ఇక మంచి హిట్ కోసం విజయ్ చాల ట్రై చేస్తున్నాడు.
Bigg Boss Ashwini: రాత్రి 4 అయినా నిద్ర పట్టడం లేదు… బోల్డ్ కామెంట్స్ చేసిన బిగ్ బాస్ అశ్విని..!