Vijay Devarakonda: టాలీవుడ్ రౌడీ హీరో విజ‌య్ దేవ‌ర‌కొండ ఇటీవ‌లె `లైగ‌ర్‌` సినిమాను పూర్తి చేసిన సంగ‌తి తెలిసిందే. డైన‌మిక్ డైరెక్ట‌ర్ పూరి జ‌గ‌న్నాథ్ తెర‌కెక్కించిన ఈ చిత్రాన్ని ధర్మా ప్రొడెక్షన్స్‌, పూరీ కనెక్ట్స్ బ్యాన‌ర్ల‌పై కరణ్ జోహార్, ఛార్మీ కౌర్, అపూర్వ మెహతా, హిరూ యష్ జోహార్, పూరీ జ‌గ‌న్నాథ్‌లు క‌లిసి నిర్మించారు.
బాక్సింగ్ బ్యాక్ డ్రాప్‌లో రూపుదిద్దుకున్న ఈ చిత్రంలో అన‌న్య పాండే హీరోయిన్‌గా న‌టిస్తోంది. ఇప్ప‌టికే షూటింగ్ కంప్లీట్ చేసుకున్న ఈ మూవీ ఆగ‌ష్టు 25న ప్ర‌పంచ‌వ్యాప్తంగా మొత్తం ఐదు భాష‌ల్లో విడుద‌ల కానుంది. ఈ మూవీ అనంతరం పూరీతో `జ‌న‌గ‌ణ‌మ‌న` చేసేందుకు విజ‌య్ గ్రీన్ సిగ్నెల్ ఇచ్చాడు. కానీ, ఈ ప్రాజెక్ట్ ప‌ట్టాలెక్క‌డానికి కొంతం స‌మ‌యం ప‌డుతుంద‌ట.
ఈ గ్యాప్‌లో శివ‌నిర్వాణ‌తో విజ‌య్ ఓ అదిరిపోయే ల‌వ్‌స్టోరీ సిన‌మా చేయ‌నున్నాడ‌ని.. ఇందులో స‌మంత హీరోయిన్‌గా ఫిక్స్ అయింద‌ని వార్త‌లు వ‌స్తున్నాయి. ఇదిలా ఉంటే.. తాజాగా విజ‌య్ నెక్స్ట్ ప్రాజెక్ట్‌ల గురించి ఓ క్రేజీ టాక్ బ‌య‌ట‌కు వ‌చ్చింది. అదేంటంటే.. మాట‌ల మాంత్రికుడు త్రివిక్రమ్ శ్రీ‌నివాస్ ద‌ర్శ‌క‌త్వంలో విజ‌య్ ఓ సినిమా చేయ‌బోతున్నాడ‌ట.
ఇటీవ‌లె త్రివిక్రమ్ ఓ మాంచి లైన్‌తో విజ‌య్‌ను మెప్పించి.. ఆయ‌న్ను లైన్‌లో పెట్టాడ‌ట. ప్ర‌స్తుతం త్రివిక్రమ్ మ‌హేష్ బాబుతో ఓ సినిమా చేసేందుకు సిద్ధం అవుతున్నాడు. ఇది పూర్తైన త‌ర్వాత త్రివిక్రమ్, విజ‌య్ దేవ‌ర‌కొండ‌ల ప్రాజెక్ట్ ఉంటుందని వార్త‌లు వ‌స్తున్నాయి. మ‌రి ఈ వార్త‌లు ఎంత వ‌ర‌కు నిజ‌మో తెలియాల్సి ఉంది.
