Vijay Deverakonda: “అర్జున్ రెడ్డి” సినిమా తో ఓవర్ నైట్ లోనే స్టార్డమ్ సంపాదించిన విజయ్ దేవరకొండ.. అతి తక్కువ టైమ్ లోనే మంచి మార్కెట్ క్రియేట్ చేసుకోవడం జరిగింది. ఒక్క తెలుగులో మాత్రమే కాక సౌత్ ఇండస్ట్రీలో కమర్షియల్ హీరోగా… ప్రజెంట్ జనరేషన్ యువతరానికి దగ్గరగా ఉండే సినిమాలు చేస్తూ విజయ్ దేవరకొండ సత్తా చాటుతున్నారు. ఇదిలా ఉంటే గత కొంత కాలం నుండి వరుస ఫ్లాపుల్లో ఉన్న విజయ్ దేవరకొండ… ప్రస్తుతం డాషింగ్ డైరెక్టర్ పూరి జగన్నాథ్ దర్శకత్వంలో “లైగర్” అనే సినిమా చేస్తున్న సంగతి తెలిసిందే.
పాన్ ఇండియా తరహాలో విజయ్ దేవరకొండ ఈ సినిమా చేస్తున్నారు. బాలీవుడ్ బడా నిర్మాత కరణ్ జోహార్… పూరి జగన్నాథ్ సంయుక్తంగా నిర్మిస్తున్న ఈ సినిమా పై అంచనాలు ఓ రేంజ్ లో ఉన్నాయి. ఇదిలా ఉంటే ఈ సినిమా తర్వాత విజయ్ దేవరకొండ.. సుకుమార్ సినిమా ఓకే చేయటం తెలిసిందే. అయితే ఈ సినిమా చేయకముందే మరో రెండు సినిమాలు విజయ్ దేవరకొండ చేయాలని తాజాగా డిసైడ్ అయినట్లు ఫిలిం వర్గాల లేటెస్ట్ టాక్.
Read More: Vijaya Devarakonda: విజయ్ దేవరకొండ ఖాతాలో సరికొత్త రికార్డు..!!
విషయంలోకి వెళితే ప్రస్తుతం అల్లు అర్జున్ తో సుకుమార్ చేస్తున్న “పుష్ప” సినిమా రెండు భాగాలుగా తెరకెక్కిస్తున్నారు. దీంతో రెండో భాగం టైం పట్టే అవకాశం ఉండటంతో మధ్యలో రెండు సినిమాలు కమిట్ అవ్వాలని విజయ్ దేవరకొండ ప్లాన్ చేస్తున్నట్లు.. సరికొత్త వార్త ఇప్పుడు ఇండస్ట్రీ వర్గాల లో వినపడుతోంది. దీంతో రౌడీ విజయ్ దేవరకొండతో.. సుకుమార్ సినిమా మరింత ఆలస్యమయ్యే అవకాశం ఉన్నట్లు సమాచారం.
