దాదాపు కొన్ని సంవత్సరాల నుండి హీరో విజయ్ దేవరకొండ హిట్ లేక అనేక ఇబ్బందులు ఎదుర్కొంటున్నారు. కెరియర్ పరంగా స్టార్టింగ్ లో ఒక్కసారిగా ఎగిసిపడిన విజయ్ దేవరకొండ క్రేజ్… రెండు మూడు హిట్ సినిమాలు పడ్డాక వరుస ప్లాప్ లు పలకరించాయి. దీంతో ఇప్పుడు ప్రస్తుతం పూరి జగన్నాథ్ దర్శకత్వంలో తెరకెక్కిన “లైగర్” పైనే ఆశలు పెట్టుకోవడం జరిగింది. ఆగస్టు 25వ తారీకు ఈ సినిమా విడుదల కానున్న తరుణంలో ప్రమోషన్ కార్యక్రమాలు చురుగ్గా జరుగుతున్నాయి. ఇప్పటికే ఉత్తరాదిలో ప్రముఖ నగరాలలో “లైగర్” ప్రమోషన్ కార్యక్రమాలు జరిపిన సినిమా యూనిటీ ప్రస్తుతం సౌత్ ఇండియాలో స్టార్ట్ చేయడం జరిగింది.
మొన్న వరంగల్ లో పెద్ద ఈవెంట్ ఆ తర్వాత హైదరాబాద్ లో మీడియా విలేకరులతో “లైగర్” సినిమా యూనిట్ చిట్ చాట్ చేయడం తెలిసిందే. ఇదంతా పక్కన పెడితే తాజాగా కొడుకు విజయ్ దేవరకొండ “లైగర్” సినిమా విజయం సాధించాలనీ తల్లి పూజలు చేయించి పురోహితులతో ఆశీర్వాదం ఇప్పించారు. దీనికి సంబంధించిన ఫోటోలు విజయ్ దేవరకొండ సోషల్ మీడియాలో షేర్ చేస్తూ..”ఈనెల మొత్తం దేశమంతటా పర్యటించడం ద్వారా ఎంతోమంది ప్రేమను పొందటం దేవుని ఆశీర్వాదంగా భావిస్తున్నాను.
కానీ అమ్మ.. దేవుడి రక్ష అవసరమని భావిస్తుంది కాబట్టి..ఈ పూజ. ఇప్పుడు తాను ప్రశాంతంగా నిద్రపోతుంది” అంటూ విజయ్ దేవరకొండ ట్వీట్ చేయడం జరిగింది. పాన్ ఇండియా నేపథ్యంలో తెరకెక్కిన ఈ చిత్రం భారీ అంచనాల తో విడుదలవుతుంది. సినిమాలో చాయ్ వాలా ఇంకా ఇంటర్నేషనల్ బాక్సర్ గా విజయ్ దేవరకొండ క్యారెక్టర్ పూరి డిజైన్ చేయడం జరిగింది. హీరోయిన్ గా అనన్య పాండే నటించడం జరిగింది. రమ్యకృష్ణ ఇంకా ఆలీ.. ఇంటర్నేషనల్ బాక్సర్ మైక్ టైసన్ ఇంకా చాలామంది నటీనటులు కీలకపాత్రలు పోషించారు. “లైగర్” తో విజయ్ దేవరకొండ మళ్లీ కం బ్యాక్ కావాలని..హిట్ కొట్టాలని అభిమానులు కోరుకుంటున్నారు.
