Vijay Sethupathi: తమిళ సినీ ఇండస్ట్రీలో వర్సటైల్ యాక్టింగ్ తో తనకంటూ ప్రత్యేక అభిమానులను సంపాదించుకున్నాడు విజయ్ సేతుపతి.. ప్రస్తుతం చేతినిండా సినిమాలతో కెరియర్లో ఫుల్ జోష్ లో ఉన్నాడు.. విజయ్ టాలీవుడ్ లోనూ ఉప్పెనలా ఎంట్రీచి అందరి దృష్టిని ఆకర్షించాడు.. విజయ్ సేతుపతి సినిమా వస్తుందంటే ఆ చిత్రాన్ని కచ్చితంగా తెలుగులోనూ డబ్బు చేసి మరీ రిలీజ్ చేస్తున్నారు.. అంతలా తన యాక్టింగ్ తో మెస్మరైజ్ చేస్తున్నాడు..
ఒక పక్క హీరోగా సినిమాలు చేస్తూ మరో పక్క విలన్ గా కూడా తనలో ఉన్న నటుడిని పరిచయం చేసాడు. కమల్ హాసన్ నటించిన విక్రమ్ సినిమాలో తన నటనతో ప్రేక్షకులను కట్టిపడేశాడు. విజయ్ సేతుపతి కేవలం నటుడు గానే కాదు ఆయనలో మరికొన్ని యాంగిల్స్ ఉన్నాయి. ఆయన నిర్మాతగా గాయకుడిగా షో హోస్ట్ గా గీతా రచయితగా ప్రసిద్ధి చెందరు. ఇప్పటికే సౌత్ ఇండస్ట్రీలో పలు అవార్డులను రివార్డులను గెలుచుకున్నారు. వెబ్ సిరీస్, అందాలజీ చిత్రాలలో కూడా నటించాడు. మాస్టర్, విక్రమ్ అంటి చిత్రాలలో నెగిటివ్ పాత్రలలో మాస్ ప్రేక్షకులను మెప్పించాడు. విజయ్ సేతుపతి లేటెస్ట్ గా డి.ఎస్.పి చిత్రంలో నటించారు.
హీరో అంటే కండలు ఫిట్నెస్ కాకుండా బొద్దుగాను కనిపించి ఎంతో మంది అభిమానుల మనసు దోచుకున్నారు మక్కల్ సెల్వన్.. నిజానికి విజయ్ సేతుపతి ఆటిట్యూడ్ బొద్దుగా ఉండే ఆయన బాడీ కూడా చాలా మందికి ఇష్టం. అయితే ఎప్పుడూ రగ్గడ్ లుక్ లో కనిపించే విజయ్ సేతుపతి ఇప్పుడు స్టైలిష్ లుక్ లోకి మారిపోయి ఫాన్స్ కి షాక్ ఇచ్చారు. పూర్తిగా వెయిట్ లాస్ అయ్యి స్లిమ్ గా మారి అద్దం ముందు నిలబడి స్టైలిష్ గా తీసుకున్న సెల్ఫీ ని విజయ్ సేతుపతి తన ఇన్స్టాగ్రామ్ లో షేర్ చేశారు. ప్రస్తుతం విజయ్ సేతుపతి న్యూ లుక్ ఫోటో సోషల్ మీడియాలో వైరల్ అవుతుంది. విజయ్ సేతుపతి న్యూ లుక్ చూసి ఫ్యాన్స్ ఆశ్చర్యపోతున్నారు. హీరో గానే కాకుండా విలన్ గా కూడా మెప్పించిన విజయ్ సేతుపతి ఇలా స్లిమ్ అవడం కొందరికి ఆనందాన్ని కలిగిస్తుంటే.. మరికొందరికి ఆశ్చర్యాన్ని కలిగిస్తోంది.
