Waltair Veerayya: డైరెక్టర్ బాబీ దర్శకత్వంలో మెగాస్టార్ చిరంజీవి హీరోగా తెరకెక్కుతున్న సినిమా “వాల్తేరు వీరయ్య”. ఇటీవల ఈ సినిమాకి సంబంధించి టైటిల్ లోగో ఫస్ట్ లుక్ వీడియో రిలీజ్ అవ్వగా అద్భుతమైన రెస్పాన్స్ రావడం జరిగింది. ఫుల్ మాసివ్ గా ఈ సినిమాలో చిరంజీవి లుక్ కనిపిస్తోంది. చిరంజీవి కుర్రతనంలో నటించిన ముఠామేస్త్రి, గ్యాంగ్ లీడర్, బిగ్ బాస్ తరహా లుక్ తరహాలో “వాల్తేరు వీరయ్య”లో లుక్ ఉంది. ఇదిలా ఉంటే ఈ సినిమాలో చిరంజీవితో పాటు మాస్ మహారాజా రవితేజ నటిస్తున్న సంగతి తెలిసిందే. అప్పట్లో “అన్నయ్య” సినిమాలో చిరంజీవి తమ్ముడిగా రవితేజ నటించారు.
2000వ సంవత్సరంలో వచ్చిన ఈ సినిమా ప్రేక్షకులను ఎంతగానో ఆకట్టుకుంది. మళ్లీ ఆ తర్వాత “శంకర్ దాదా జిందాబాద్” లో గెస్ట్ రోల్ లో కనిపించి వెళ్ళిపోయాడు. ఈ క్రమంలో దాదాపు 22 సంవత్సరాల తర్వాత మళ్లీ ఇప్పుడు చిరంజీవి సినిమాలో రవితేజ నటిస్తూ ఉండటంతో ఈ సినిమాపై భారీ అంచనాలు నెలకొన్నాయి. ఇదిలా ఉంటే ఇటీవల దసరా పండుగ సమయంలో “వాల్తేరు వీరయ్య” చిరంజీవి లుక్ విడుదల చేయడం జరిగింది. ఆ టైంలో సంక్రాంతి పండుగ సందర్భంగా సినిమా విడుదల చేస్తున్నట్లు ప్రకటన చేశారు. సినిమా విడుదల అవటానికి ఇంకా రెండు నెలలు మాత్రమే మిగిలి ఉండటంతో ఇప్పుడు “వాల్తేరు వీరయ్య”లో రవితేజ లుక్ వీడియో రిలీజ్ చేయడానికి సన్నాహాలు చేస్తున్నారు.
దాదాపు అరగంట పాటు సినిమాలో కీలక పాత్రలో రవితేజ నటించినట్లు సమాచారం. సినిమా విడుదల తేదీ దగ్గర పడుతూ ఉండటంతో రవితేజ లుక్ తో పాటు ఫస్ట్ సింగిల్ రిలీజ్ కానున్నట్లు వార్తలు వినిపిస్తున్నాయి. ఈ సినిమాకి దేవిశ్రీప్రసాద్ మ్యూజిక్ డైరెక్టర్. రవితేజ సరసన కేతరిన తెరిసా నటిస్తుంది. మెయిన్ హీరోయిన్ శృతిహాసన్. విడుదలకు ఒక నెలరోజుల ముందే ప్రమోషన్ కార్యక్రమాలు స్టార్ట్ చేసే ఆలోచనలో సినిమా యూనిట్ ఉంది.