`మ‌హ‌ర్షి` సినిమాలో రైతుల‌కు సానుభూతి చూపించ‌న‌క్క‌ర్లేదు.. గౌర‌వం ఇవ్వాలి అనే పాయింట్‌ను చూపించారు. రైతు గొప్ప‌త‌నాన్ని చెప్పిన ఈ సినిమాలో వ్య‌వ‌సాయాన్ని బ్ర‌తికించాలంటే యువ‌త ముందుకు రావాల‌ని చెప్పారు. అందులో భాగంగా వీకెండ్ వ్య‌వ‌సాయం అనే పాయింట్‌ను డిస్క‌స్ చేశారు. ఇప్పుడు ఈ వీకెండ్ వ్య‌వ‌సాయం పాయింట్ బాగా ట్రెండింగ్‌లో ఉంది. చాలా మంది వీకెండ్‌లో పొలాల్లో దిగి ప‌నులు చేస్తున్నారు. ఆ ఫోటోలను సోష‌ల్ మీడియాలో షేర్ చేస్తున్నారు. శ్రీమంతుడు చిత్రంతో గ్రామాల‌ను ద‌త్తత తీసుకోవాల‌ని చెప్పిన మ‌హేష్‌.. ఈ సినిమాలో వీకెండ్ వ్య‌వ‌సాయం అంటూ ఇన్‌స్పైర్ చేశాడు.
