SVP: డైరెక్టర్ పరుశురాం దర్శకత్వంలో మహేష్ బాబు హీరోగా నటించిన “సర్కార్ వారి పాట” మరో మూడు రోజుల్లో విడుదల కానున్న సంగతి తెలిసిందే. ఫస్ట్ టైం మహేష్ పక్కన కీర్తి సురేష్ హీరోయిన్ గా నటిస్తోంది. ఇప్పటికే ఈ సినిమాకి సంబంధించి విడుదలైన ట్రైలర్..సాంగ్స్ సోషల్ మీడియాలో రికార్డులు రికార్డులు క్రియేట్ చేస్తున్నాయి. మరో పక్క మాస్ ఇంకా రొమాంటిక్ తరహాలో అన్ని వర్గాల ప్రేక్షకులను కవర్ చేస్తూ .. మహేష్ నీ చాలా కొత్తగా చూపించినట్లు సినిమా ట్రైలర్ బట్టి జనాలు కామెంట్లు చేస్తున్నారు. అంతమాత్రమే కాదు మహేష్ కెరీర్ లో సూపర్ డూపర్ హిట్ సినిమాలు దూకుడు, పోకిరి ఫ్లేవర్… ఈ సినిమాలో కనిపిస్తుందని గ్యారెంటీగా హిట్ అవుతుందని చెప్పుకొస్తున్నారు.
- Read the latest news from NEWSORBIT
- Follow us on facebook , Twitter , instagram and Googlenews
మరోపక్క సినిమా ట్రైలర్, పాటలు విడుదల అవ్వక ముందే లాక్డౌన్ టైంలో… “సర్కారు వారి పాట” నా కెరీర్లో మరో “పోకిరి” అవుతుందని మహేష్.. చెప్పటంతో పాటు ఇటీవల ప్రీ రిలీజ్ వేడుకలో ఈ సినిమా ఈ పని చేస్తుంటే “పోకిరి’ రోజులు గుర్తొచ్చాయి అని చెప్పటంతో సినిమాపై అంచనాలు ఒక్కసారిగా పెరిగిపోయాయి. ఈ క్రమంలో మరో మూడు రోజుల్లో సినిమా విడుదలవుతున్న నేపథ్యంలో… ప్రమోషన్ కార్యక్రమాల్లో సినిమా యూనిట్ ఫుల్ బిజీగా ఉంది. దీనిలో భాగంగా ఇంటర్వ్యులలో పాల్గొంటున్న మహేష్ బాబు.. సినిమాకి సంబంధించిన అనేక విషయాలు తెలియ జేస్తున్నారు.
అయితే లేటెస్ట్ ఇంటర్వ్యూలో యాంకర్ మీరు ఇంత అందంగా కనిపించడానికి.. ఏం చేస్తుంటారు..? ఏం తింటారు అని ప్రశ్నించింది. దానికి మహేష్ బాబు వైరల్ ఆన్సర్ ఇచ్చారు. “అన్నీ తింటాను .. కాకపోతే కరెక్టుగా తింటాను” అని సమాధానం ఇచ్చారు. ఇదే సమయంలో బెస్ట్ కోస్టార్ అని ఎంత మంది హీరోయిన్లకు మీరు చెప్పారని యాంకర్ ప్రశ్నించగా… దానికి మహేష్ నవ్వుతూ.. చేసేది రెండు సంవత్సరాలకు ఒక సినిమా.. అని మీరే అంటారు. మరి అలాంటప్పుడు అది కూడా చెప్పకపోతే ఎవరొచ్చి యాక్ట్ చేస్తారు నా పక్కన అని మహేష్ చాలా సరదాగా ఇంటర్వ్యూలో సమాధానాలు ఇచ్చారు.