దసరా స్పెషల్ ఈవెంట్ లలో బుల్లితెరపై అటు టీవీ ఆర్టిస్టులతో కు పాటు సినీ ప్రముఖులు కూడా కలిసి సందడి చేయబోతున్న విషయం తెలిసిందే. గతంలో బాగా పేరు పొందిన సంగీత, రోజా లాంటి ఆర్టిస్టులతో పాటు డాన్స్ మాస్టర్ గా పీక్ స్టేజ్ లో ఉన్న జానీ మాస్టర్, శేఖర్ మాస్టర్ వంటి వారు కూడా ప్రేక్షకులకు అద్భుతమైన వినోదాన్ని అందించడం లో ఇప్పటి వరకు సక్సెస్ అయ్యారనే చెప్పాలి. వారు అందరితో కలిసి డ్యాన్సులు వేస్తారు, జడ్జీలుగా వ్యవహరిస్తున్నారు, కామెడీ చేస్తూ సెటైర్లు విసురుతారు. జనాలకి వినోదం అందించడం కోసం ఎంతకైనా తెగిస్తారు.
అయితే తాజాగా జీ తెలుగు దసరా ఈవెంట్ షో లో జానీ మాస్టర్ చేసింది మాత్రం అన్నిటి కన్నా ఒక మెట్టు ఎక్కేసింది అనే చెప్పాలి. అతను ఏకంగా లేడీ గెటప్ వేసుకొని కనిపించడం అందరినీ ఆశ్చర్యానికి గురి చేసింది. జానీ మాస్టర్ లాంటి పేరున్న వ్యక్తి ఇలా లేడీ గెటప్ లో ఏదో జబర్దస్త్ ఆర్టిస్ట్ లేదా లాగా ఒక్కసారిగా దర్శనం ఇవ్వడంతో అందరూ నోరు తెరిచేశారు.
జీ తెలుగు దసరా ఈవెంట్ కోసం తాజాగా విడుదల చేసిన ప్రోమో లో జానీ మాస్టర్ లేడీ గెటప్ వేసేటప్పుడు తను ఎంత కష్టపడ్డాడో వివరిస్తూ మహిళలపై తనకు ఉన్న గౌరవం ఇంకా పెరిగింది అని ఆడవారి కష్టం ఎలా ఉంటుందో తనకు తెలుసునని చెప్పాడు. ఇక వారిని కీర్తిస్తూ ఒక అద్భుతమైన డాన్స్ పెర్ఫార్మెన్స్ కూడా చేసినట్లు తెలుస్తోంది. జానీ ఈ సాహసం కేవలం డబ్బు కోసం కాదని ఆడవారి పట్ల తనకున్న గౌరవాన్ని చూపించడానికి అని అందరూ అనుకుంటున్నారు.
