Krithi shetty: ఇప్పుడు టాలీవుడ్లో ఉన్న యంగ్ బ్యూటీస్లో ఎక్కువ సినిమాలు చేస్తుంది ఉప్పెన ఫేమ్ కృతిశెట్టి. డెబ్యూ మూవీ ఇచ్చిన భారీ హిట్తో చక చక అరడజను సినిమాలు హీరోయిన్గా చేసే అవకాశం అందుకుంది. ఇప్పుడు ఫాంలో ఉన్న ఏ స్టార్ హీరోయిన్ కూడా మొదటి సినిమా తర్వాత వరుసగా ఇన్ని సినిమాలకు సైన్ చేసింది లేదు. నాని, నాగ చైతన్య, రామ్, నితిన్, సుధీర్ బాబు లాంటి యంగ్ హీరోల సినిమాలలో కృతికి హీరోయిన్ అవకాశాలు దక్కాయి. వీటిలో ఇటీవలే నాని హీరోగా నటించిన శ్యామ్ సింగరాయ్ సినిమా ప్రేక్షకుల ముందుకు వచ్చింది.
రిలీజ్ రోజు కాస్త డివైడ్ టాక్ వచ్చినప్పటికి మెల్లగా పాజిటివ్ టాక్తో దూసుకుపోతోంది. ఇందులో సాయి పల్లవి, కృతి శెట్టి, మడోనా సెబాస్టియన్ హీరోయిన్గా నటించారు. దేవదాసిగా నటించిన సాయి పల్లవికి ఎంతటి పేరొచ్చిందో..రొమాంటిక్ సీన్స్, పెదవి ముద్దులతో రెచ్చిపోయిన కృతి శెట్టికి అంతే పేరొస్తుంది. సిగరెట్ తాగే సీన్స్ కూడా చక్కగా చేసిందని చెప్పుకుంటున్నారు. అయితే కృతి ఇలాంటి సీన్స్ చేయనని ముందు నేరుగా దర్శకుడితో చెప్పింది. కానీ, సినిమాలో ఆ పాత్ర స్వభావం అది..కాబట్టి చేయాల్సిందే అనడంతో మూడు రోజులు సిగరెట్ తాగడం ప్రాక్టీస్ చేసి మరీ నటించింది.
Krithi shetty: కృతి బోల్డ్ సీన్స్..మంచి సమాధానమే చెప్పుకొచ్చింది.
అయితే కొందరు కృతి బోల్డ్ సీన్స్ కూడా చేయడానికి ఏమాత్రం వెనకాడటం లేదని కామెంట్స్ చేస్తున్నారు. దానికి మంచి సమాధానమే చెప్పుకొచ్చింది. హీరోయిన్ అన్న తరవాత అన్నీ రకాల పాత్రలను చేయాలని..అందుకే రొమాంటిక్ సీన్స్ చేయడానికి నో చెప్పలేదని తెలిపింది. ఇదే కాదు ఇకపై కూడా కథ డిమాండ్ చేస్తే బోల్డ్ సీన్స్ చేయడానికి రొమాంటిక్స్ సీన్స్లో నటించడానికి ప్రాబ్లం లేదని క్లారిటీ ఇచ్చింది. శృంగార సన్నివేశాలు కూడా యాక్టింగే కదా అంటూ చిలకపలుకులు పలికి ఆశ్చర్యపరచింది. ఈ కామెంట్స్ చూసిన జనాలు త్వరలో పూజా హెగ్డే, రష్మిక లాంటి వారికే చెక్ పెట్టేలా ఉందని మాట్లాడుకుంటున్నారు. పెట్టినా పెట్టొచ్చు.. కృతి తెగింపు చూస్తే అలానే అనిపిస్తుంది.