Mahesh Babu: ఇప్పుడు మన టాలీవుడ్ స్థాయి ఆకాశాన్నంటింది. ఇండియాలోని మిగతా సినిమా పరిశ్రమలు మనవైపు తొంగి చూస్తున్నాయి అంటే ఆశ్చర్యం కలగక మానదు. ఇక మన స్టార్ హీరోలు మొదలుకొని మీడియం రేంజ్ హీరోల వరకూ అందరూ పాన్ ఇండియాపైనే టార్గెట్ చేస్తూ ముందుకు దూసుకుపోతున్నారు. ఈ క్రమంలోనే టాలీవుడ్ సూపర్ స్టార్ మహేష్ బాబు కూడా తయారవుతున్నాడనే చెప్పాలి. హాలీవుడ్ హీరోని తలపించే కటౌట్ మహేష్ సొంతం. ఇక తమ హిందీ సినిమాలలో మహేష్ ని నటింపచేయాలని బాలీవుడ్ ఫిలిం మేకర్స్ ఎన్నాళ్ళుగానో ప్రయత్నాలు చేస్తున్న విషయం విదితమే. అయితే మన ప్రిన్స్ మాత్రం ఆ వైపుకు అడుగులు వేయలేదు. కేవలం మన తెలుగు సినిమాలే చేసుకుంటూ పోతున్నారు.
- Read the latest news from NEWSORBIT
- Follow us on facebook , Twitter , instagram and Googlenews
Mahesh Babu: మహేష్ తాజా బాలీవుడ్ ప్రాజెక్ట్
- Read the latest news from NEWSORBIT
- Follow us on facebook , Twitter , instagram and Googlenews
అయితే బాలీవుడ్ ఎంట్రీ గురించి సందర్భానుసారంగా మీడియా ప్రశ్నించిన ప్రతీసారి.. తాను తెలుగు సినిమాలతో చాలా సంతోషంగా ఉన్నానని.. ఇక్కడ చేయాల్సింది చాలా ఉందని చెబుతూ వస్తున్నారు మహేశ్. ఈ క్రమంలో ఓ విలేఖరి అడిగినదానికి బదులుగా.. తెలుగు సినిమానే పాన్ ఇండియా లెవెల్ లో సత్తా చాటుతుంటే హిందీ సినిమా చేయాల్సిన అవసరం లేదని ఇటీవల ఓ ఇంటర్వ్యూలో చెప్పడం మనం చూసాం. అయినప్పటికీ సూపర్ స్టార్ తో సినిమా చేయడానికి పలువురు బాలీవుడ్ ఫిలిం మేకర్స్ ట్రై చేస్తూనే ఉన్నారు. ఈ క్రమంలో లేటెస్టుగా హిందీ చిత్రాల దర్శకుడు సూరజ్ భర్జత్య.. మహేష్ తో ఓ సినిమా చేసేందుకు ఆసక్తి కనబరుస్తున్నారని తెలుస్తోంది.
నమ్రతకు స్టోరీ చెప్పిన దర్శకుడు
ఇక అసలు విషయంలోకి వెళితే, బాలీవుడ్ లో ఫ్యామిలీ ఆడియెన్స్ ఫేవరేట్ డైరెక్టర్ అయినటువంటి సూరజ్.. ‘మైనే ప్యార్ కియా’ ‘హమ్ ఆప్ కే హై కోన్’ ‘హమ్ సాత్ సాత్ హైన్’ ‘వివాహ్’ వంటి సినిమాలతో ప్రేక్షకులను అలరించారు. ఈయన సినిమాలు తెలుగులోకి కూడా డబ్ అయ్యి మంచి వసూళ్లు రాబట్టాయి. ఇటీవల వచ్చిన ‘ప్రేమ్ రతన్ ధన్ పాయో’ చిత్రం కూడా బానే ఆడింది. ప్రస్తుతం ‘ఊన్చాయ్’ అనే మూవీ చేస్తున్న సూరజ్ తన నెక్స్ట్ ఫిలిం టాలీవుడ్ స్టార్ హీరోల్లో ఒకరైన మహేష్ తో సినిమా చేయాలని చూస్తున్నారట. ఈ నేపథ్యంలో తాజాగా నమ్రతను కలిసి ఓ స్టోరీ కూడా నేరేట్ చేసారట. మరి ఈ చిత్రమైనా మన ప్రిన్స్ ఒప్పుకుంటాడో లేదో చూడాలి మరి.