Radhe shyam: రాధే శ్యామ్ సినిమా ఒక్కటే పెద్ద సినిమా అయినా ..పాన్ ఇండియన్ సినిమా అయినా సంక్రాంతికి వచ్చేందుకు రెడీగా ఉంది. మిగతావన్నీ తప్పుకున్న సంగతి తెలిసిందే. ఇప్పటికే మేకర్స్ పదే పదే తమ సినిమా రిలీజ్ డేట్ మారడం లేదని కన్‌ఫర్మేషన్ ఇస్తూ వస్తున్నారు. ఎట్టి పరిస్థితుల్లోనూ ప్రకటించిన తేదీ జనవరి 14 రోజునే రాధే శ్యామ్ చిత్రాన్ని ప్రపంచ వ్యాప్తంగా రిలీజ్ చేస్తామని మేకర్స్ క్లారిటీ ఇస్తున్నారు. కానీ, విశ్లేషకులు మాత్రం చివరి నిమిషంలో ఆర్ఆర్ఆర్ సినిమాలాగా పోస్ట్‌పోన్ అవుతుందని చెబుతున్నారు. ఇప్పుడు ఎక్కువ శాతం వినిపిస్తున్న టాక్ కూడా ఇదే.
అయితే ఇక్కడ ప్రభాస్‌కు ఓ ఆప్షన్ ఉంది. భారీ డీల్ ఆఫర్ కూడా ఉందని టాక్ వినిపిస్తోంది. అద్భుతమైన సినిమా అంటే ఓటీటీలో కూడా చూసేందుకు ప్రేక్షకులు రెడీగా ఉంటారు. అందుకు ఉదాహరణ సూర్య నటించిన ఆకాశం నీ హద్దురా, జై భీమ్ చిత్రాలే. థియేటర్స్ మూతపడినా సూర్య ఏమాత్రం ఆలోచించకుండా ఓటీటీకి వెళ్ళాడు. భారీ డీల్ కుదరడంతో ఈ రెండు సినిమాలు ఓటీటీలో రిలీజ్ చేశారు. సూపర్ హిట్ టాక్ తెచ్చుకొని ప్రేక్షకులను ఈ సినిమాలు బాగా ఆకట్టుకున్నాయి. నిర్మాతగా సూర్యకు మంచి లాభాలు కూడా తెచ్చిపెట్టాయి.
Radhe shyam: ప్రభాస్ ఈ అవకాశం ఉపయోగించుకుంటే మంచి లాభాలను అందుకుంటాడు.
కథ బావుంటే జనాలు ఎక్కడ చూడటానికైనా వెనకాడరని సూర్య తన సినిమాలతో నిరూపించాడు. అయితే రాజమౌళి కూడా అనుకున్న తేదీకి ఓటీటీలో రిలీజ్ చేసి ఆ తర్వాత థియేటర్స్‌లోనూ రిలీజ్ చేయోచ్చు. కానీ, పోస్ట్ పోన్ చేశారు. అలాంటి డెసిషన్ ప్రభాస్ కూడా తీసుకుంటే ఇప్పుడున్న పరిస్థితుల్లో రాంగ్ స్టెప్ వేసినట్టే. ఓటీటీ నుంచి మంచి ఆఫర్ ఉందట. దాదాపు 350 కోట్ల ఓటీటీ ఆఫర్ రాధే శ్యామ్ కి ఉన్నట్టు తెలుస్తోంది. అయితే ఇక్కడ ఫైనల్ డెసిషన్ తీసుకోవాల్సింది ప్రభాస్. ఆయన గనక గ్రీన్ సిగ్నల్ ఇస్తే జనవరి 14న థియేటర్స్ రిలీజ్ అయినా కాకపోయినా ఓటీటీలో రిలీజ్ చేయోచ్చు. ఇంత మంచి డీల్ పైగా ఇప్పుడు ఇలాంటి సినిమా ఏదీ ఓటీటీలో రిలీజ్ లేదు. నిజంగా ప్రభాస్ ఈ అవకాశం ఉపయోగించుకుంటే హిట్ ఫ్లాప్‌తో సంబంధం లేకుండా మంచి లాభాలను అందుకుంటాడు.
