Liger: పూరి జగన్నాథ్ వరుస ఫ్లాపుల తర్వాత ఇస్మార్ట్ శంకర్ సినిమాతో భారీ కమర్షియల్ హిట్ అందుకున్న సంగతి తెలిసిందే. దీనితో పుల్ రీచార్జ్ అయిన పూరి విజయ్ దేవరకొండతో లైగర్ సినిమాను మొదలుపెట్టాడు. నాలుగు నెలల్లో ఈ సినిమా రిలీజ్ కావాల్సింది. పూరి ఏ సినిమా అయినా 100 రోజుల్లో ప్రేక్షకుల ముందుకు తీసుకువచ్చేస్తాడు. కానీ, కరోనా వేవ్స్ కారణంగా మొదటిసారి పూరి సినిమా అనుకున్న సమయానికి పూర్తి చేయలేకపోయాడు. గత ఏడాదే రిలీజ్ కావాల్సిన లైగర్ సినిమా ఈ ఏడాది కూడా రిలీజ్ కాలేకపోయింది.
ఎట్టకేలకు వచ్చే ఏడాది ఆగస్టు 25న భారీ స్థాయిలో రిలీజ్ చేయనున్నట్టు అధికారికంగా పూరి బృందం ప్రకటించింది. దాంతో ఇప్పట్లో ఈ సినిమాకు సంబంధించిన అప్‌డేట్స్ ఏవీ రావని అభిమానులు నీరసపడ్డారు. కానీ, తాజాగా పూరి టీమ్ సాలీడ్ సర్‌ప్రైజ్ ఇచ్చింది. ఒకటి కాదు రెండు కాదు ఏకంగా మూడు సర్‌ప్రైజెస్‌ను న్యూ ఇయర్ సందర్భంగా ఇవ్వనున్నట్టు ప్రకటించింది. ఈ మేరకు తాజాగా సోషల్ మీడియా ద్వారా ఇవ్వబోతున్న ఆ సర్‌ప్రైజెస్ తాలూకా పోస్టర్‌ను వదిలింది. ఈనెల 29న ఉదయం 10:03 గంటలకు ‘ది బిగ్ అనౌన్స్మెంట్’ పేరుతో ఓ వీడియో రిలీజ్ చేయబోతున్నారు.
Liger: బాక్సర్‌గా విజయ్ అంతకు మించి ..
అలాగే, డిసెంబర్ 30వ తేదీన ఉదయం 10:03 గంటలకు బీటీఎస్ స్టిల్స్ ను విడుదల చేస్తామని, ఇది కాకుండా సాయంత్రం 4:00 గంటలకు స్పెషల్ ఇన్ స్టా ఫిల్టర్ ను విడుదల చేయనున్నామని ప్రకటించారు. ఇక డిసెంబర్ 31 న ‘లైగర్’ ఫస్ట్ గ్లింప్స్ ను విడుదల చేయబోతున్నామని ఓ టైమ్ టేబుల్‌తో కూడుకున్న పోస్టర్‌ను విడుదల చేసి ఆసక్తిని రేకెత్తించారు. దాంతో విజయ్ దేవరకొండ అభిమానుల్లో ఆనందం రెట్టింపు అయిది. పూరి అంటే హీరోను ఏ రేంజ్‌లో చూపిస్తాడో అందరికీ తెలిసిందే. ఇందులో బాక్సర్‌గా విజయ్ అంతకు మించి అనేట్టుగా చూపించబోతున్నాడని పోస్టర్స్‌తో తెలిసింది. ఇక లైగర్ సినిమాలో హీరోయిన్‌గా బాలీవుడ్ యంగ్ బ్యూటీ అనన్య పాండే నటిస్తోంది. ఇది పాన్ ఇండియన్ సినిమాగా 5 భాషల్లో రిలీజ్ కాబోతోంది.
