RRR: ఆ ఒక్క సీన్ సెకండాఫ్ మీద అంత ఎఫెక్ట్ చూపిస్తుందా..పొరపాటున రాజమౌళి ప్లాన్ వర్కౌట్ కాకపోతే ..? ఇప్పుడు ఆర్ఆర్ఆర్ సినిమా విషయంలో దీని గురించే సోషల్ మీడియాలో వార్తలు వచ్చి చక్కర్లు కొడుతున్నాయి. ఈ భారీ బడ్జెట్ పాన్ ఇండియన్ సినిమా మరో వారం రోజుల్లో ప్రపంచ వ్యాప్తంగా 14 భాషల లో రిలీజ్ చేస్తున్నారు. నేటి నుంచి నాన్ స్టాప్గా పలు ప్రదేశాలలో ఆర్ఆర్ఆర్ సుడిగాలి పర్యటన చేస్తూ చిత్ర ప్రమోషన్స్ నిర్వహిస్తున్నారు. ప్రస్తుతం టీమ్ అంతా దుబాయ్లో ఉంది.
అయితే, ఆర్ఆర్ఆర్ సినిమాకు కీలకంగా ఆలియా పాత్ర ఉంటుందని మేకర్స్ చెబుతున్నారు. అయితే, ఈ పాత్ర ప్రీ ఇంట్రవెల్ సమయంలో చరణ్, తారక్ పాత్రలను కలుపుతుందట. అప్పటికే ఇద్దరి మధ్య భీకర యుద్ధ సన్నివేశాలు, పోరాట ఘట్టం సాగుతుంటుందట. ఈ సమయంలో ఇద్దరి పాత్రలను ఆలియా కలిపి ఒకరి గురించి ఒకరికి తెలియచేస్తుందట. ఆ సీన్లో చరణ్, తారక్ ఎమోషన్స్ పీక్స్లో ఉంటాయని థియేటర్స్లో ఆడియన్స్ సీటు అంచున కూర్చుని ఉత్కంఠభరితంగా చిత్రాన్ని చూస్తారని తెలుస్తోంది.
RRR: ప్రీ క్లైమాక్స్, క్లైమాక్స్ సీన్స్ ఒళ్ళు గగుర్లు పొడిచేలా ఉన్నాయి.
ఈ సీన్ ప్రభావం సెకండాఫ్లో ఊహించని స్థాయిలో ఉంటుందని..ఇక్కడ నుంచే తారక్ పోషిస్తున్న కొమురమ్ భీమ్, చరణ్ పోషిస్తున్న సీతారామరాజు పాత్రలు గతాన్ని తెలుసుకొని బ్రిటీషు వారిపై దండయాత్ర చేసేందుకు సిద్ధమవుతారని తెలుస్తోంది. ఇక ప్రీ క్లైమాక్స్, క్లైమాక్స్ సినిమాను మరో లెవల్కు తీసుకెళ్ళనున్నాయని చెప్పుకుంటున్నారు. అయితే, ప్రీ ఇంట్రవెల్ సమయంలో వచ్చే సీన్ గనక ఆడియన్స్ను రాజమౌళి కన్విన్స్ చేయగలిగే ఆ ఒక్క సీన్ ఇమ్ పాక్ట్ సెకండాఫ్ మొత్తం ఉంటుందని ..ఇది గనక తేడా కొడితే ప్రేక్షకులను మెప్పించడం కాస్త కష్ఠమేనని అంటున్నారు. ఇప్పటి వరకు రాజమౌళి సినిమాలలో ఇంట్రవెల్ ముందు వచ్చే సీన్స్, ప్రీ క్లైమాక్స్, క్లైమాక్స్ సీన్స్ ఒళ్ళు గగుర్లు పొడిచేలా ఉన్నాయి. మరి ఆర్ఆర్ఆర్ సీన్స్ ఏ రేంజ్లో ఉంటాయో చూడాలి.