RRR: మార్చి 25 వ తారీకు ప్రపంచవ్యాప్తంగా రిలీజ్ అయిన “ఆర్ఆర్ఆర్” సునామీ కలెక్షన్లు సృష్టిస్తోంది. బాహుబలి వంటి భారీ బ్లాక్ బస్టర్ తర్వాత రాజమౌళి దర్శకత్వంలో వచ్చిన ఈ సినిమాకి సినిమా ప్రేమికులు బ్రహ్మరథం పడుతున్నారు. స్టోరీ పరంగా టేకింగ్… విజువల్ ఎఫెక్ట్స్ పరంగా…”ఆర్ఆర్ఆర్” థియేటర్ కి వచ్చిన ఆడియన్స్ కి ఫుల్ మీల్స్ పెడుతూ ఉంది. ఇండియాలో ఒక పక్క ఐపీఎల్ టోర్నీ స్టార్ట్ అయినా…”ఆర్ఆర్ఆర్” కలెక్షన్లకు ఏ మాత్రం డోక పడటం లేదు. వీకెండ్ అయిపోయిన గాని మామూలు రోజులలో కూడా హౌస్ఫుల్ కలెక్షన్లతో దూసుకుపోతుంది.
దేశవిదేశాలలో ఇదే పరిస్థితి. “ఆర్ఆర్ఆర్” మరోసారి ఇండియన్ ఫిలిం ఇండస్ట్రీ సత్తా ఏంటో నిరూపించింది అని సినిమా చూసిన సెలబ్రిటీలు చాలామంది సోషల్ మీడియాలో తెలియజేస్తూ ఉన్నారు. ఇదిలా ఉంటే సినిమా రిలీజ్ అయ్యి వారం కావడం తో ప్రపంచవ్యాప్తంగా మొదటి వారం “ఆర్ఆర్ఆర్” దాదాపు 710 కోట్లు కలెక్ట్ చేసినట్లు… 392 కోట్ల షేర్ కూడా కలెక్ట్ చేసినట్లు… ట్రేడ్ వర్గాల నుంచి అందుతున్న సమాచారం. సినిమాకి ప్రస్తుతం వస్తున్న ఆదరణ బట్టి చూస్తే ఓవరాల్ గా రెండు వేల కోట్లకు పైగానే కలెక్షన్ వచ్చే అవకాశం ఉందని.. విశ్లేషకులు అంచనా వేస్తున్నారు.
ముఖ్యంగా దక్షిణాదిలో మాదిరిగానే ఉత్తరాదిలో భారీ ఎత్తున రెస్పాన్స్ వస్తుండటంతో… ఇదే సమయంలో ఓ మూడు వారాలు మరే పెద్ద సినిమా బాలీవుడ్ సౌత్ ఇండస్ట్రీ లో విడుదలయ్యే పరిస్థితి లేకపోవడంతో “ఆర్ఆర్ఆర్” కలెక్షన్లకు తిరుగు లేదని మేకర్స్ భావిస్తున్నారు. ఏ మాత్రం జోరు తగ్గిన “బాహుబలి” రికార్డులు బ్రేక్ అయ్యే అవకాశాలు ఉండవని మరోపక్క టాక్ నడుస్తుంది. ఏది ఏమైనా పాండమిక్ తర్వాత అనేక వాయిదాల పడుతూ ఎట్టకేలకు మార్చి నెలలో విడుదలైన “ఆర్ఆర్ఆర్” కి వస్తున్న కలెక్షన్లు.. ప్రపంచ వ్యాప్తంగా సంచలనం రేపుతున్నాయి.
