Naga Shaurya: టాలీవుడ్ యంగ్ హీరో నాగశౌర్య అందరికీ సుపరిచితుడే. “ఊహలు గుసగుసలాడే” సినిమాతో మంచి హిట్ అందుకున్న నాగశౌర్య… ప్రేక్షకులలో తనకంటూ సెపరేట్ ఇమేజ్ క్రియేట్ చేసుకున్నాడు. బలమైన కథాంశం కలిగిన సినిమా సబ్జెక్టులు ఎంచుకొని యూత్ మరియు ఫ్యామిలీ ఆడియన్స్ లో మంచి క్రేజ్ సంపాదించుకున్నాడు. ఏటువంటి పాత్రలైనా చేస్తూ అలవోకగా పాత్రలో పరకాయ ప్రవేశం చేసి… సిల్వర్ స్క్రీన్ పై నటన పరంగా రక్తి కట్టించడంలో సిద్ధహస్తుడు. రొటీన్ సబ్జెక్టులు మాత్రమే కాకుండా ప్రయోగాత్మకమైన సినిమాలు కూడా శౌర్య చేస్తూ ఉంటాడు.
చాలా వరకు ప్రేమ కథ నేపథ్యంలో సినిమాలు చేయటం జరిగింది. నాగశౌర్య కెరియర్ లో ఊహలు గుసగుసలాడే, చలో సినిమాలు అతిపెద్ద విజయాలు సాధించాయి. కాగా గత కొంతకాలంగా వరుస పరాజయాలతో సతమతమవుతున్న శౌర్య ఈ ఏడాది “కృష్ణ వ్రింద లహరి” అనే సినిమా చేసి అద్భుతమైన హిట్ కొట్టడం జరిగింది. ఇదిలా ఉంటే ఈ సినిమా ప్రమోషన్ కార్యక్రమంలో ఈ ఏడాదిలోనే పెళ్లి చేసుకునే అవకాశాలు ఉన్నట్లు శౌర్య తెలిపారు. అంతేకాదు తెలుగు అమ్మాయిని పెళ్లి చేసుకుంటానని కూడా చెప్పుకొచ్చాడు. అయితే తాజాగా నవంబర్ 20వ తారీకున నాగశౌర్య పెళ్లి చేసుకోవడానికి రెడీ అయినట్లు సరికొత్త వార్త ఇప్పుడు ఇండస్ట్రీలో వైరల్ అవుతుంది.
బెంగళూరుకి చెందిన ఇంటీరియర్ డిజైనర్ అనూష శెట్టి అనే అమ్మాయిని పెళ్లి చేసుకుంటున్నారు. ఈమెది కర్ణాటకలోని మంగళూరు. అనూషతో గత కొంతకాలం నుండి శౌర్యకి పరిచయం ఉందట. దీంతో ఆ పరిచయం కాస్త ప్రేమగా మారడంతో ఇరు కుటుంబ పెద్దలు ఒప్పుకోవడంతో… నవంబర్ 20వ తారీకు బెంగళూరులో ఓ భారీ హోటల్ లో నాగశౌర్య పెళ్లి జరగనున్నట్లు వార్తలు వస్తున్నాయి.