Growth : వాస్తు పురుషుని కి నివేదన
వాస్తు పురుషుని అనుగ్రహం పొందడం కోసం ప్రసాద నివేదన ప్రయోగం: ఇంటిలో రాత్రి పూట తినడానికి ఏ పదార్థాలనైతే తయారు చేసుకుంటారో, వాటిని తినడానికి ముందు ఒక అరిటాకు పైన లేదా , శుభ్రమైన కాగితం మీద కానీ కొద్దిగా వడ్డించి వాస్తు పురుషుని కి నివేదనగా, వంటింటిలోనే ఒక పక్కన పెట్టి ఉంచాలి. అందరు భోజనం పూర్తి చేసిన తరువాత, వాస్తు పురుషుని కి నివేదన గా పెట్టిన పదార్థాన్ని తీసుకు వెళ్లి ఇంటి బయట పెట్టడం వలన జంతువులు , పక్షులు , క్రిమి కీటకాలు ఇలా ఏవైనా కూడా ఈ పదార్ధాన్ని ఆహారంగా తీసుకుని ఆకలి తీర్చుకుంటే, వాస్తు పురుషుడు ఎంతో తృప్తి పడి దోషాలు, దుష్ట ప్రభావాలు ఏవీ ఇంటిపై లేకుండా ఎప్పుడు ఇంటిని కాపాడుతూ ఉంటాడు.
Growth : గ్రహ దోషాలకు
మనకు అన్ని విధాలా అభివృద్ధి చెందాలి అంటే వాస్తు బలం సంపూర్ణంగా ఉండడం కోసం దోషాలు తొలగించుకోవడం తో పాటు… జాతకరీత్యా ఉన్న గ్రహ దోషాలకు కూడా పరిహారాలు చేసుకోవడం మంచిది. ఇలా చేసుకోక పొతే, మంచి వాస్తు బలం కలిగిన ఇంటిలో నివాసం ఉన్న కూడా పెద్దగా ప్రయోజనం ఏమి ఉండదు అని గుర్తు పెట్టుకోవాలి.
దక్షిణం వైపు మట్టితో
ఉత్తర దిక్కున అధిక బరువు పెట్టకూడదు అన్న భావనతో చాలా మంది మట్టితో నింపిన పూల కుండీలను, దక్షిణం వైపు ఉండేలా అమరుస్తూ ఉంటారు. దక్షిణం వైపు ఇలా కుండీలలో మట్టిని నింపి పెట్టుకోవడం అనేది ఇంటి వాస్తు కి హాని కలిగించేదిగా ఉంటుంది. దీని కారణం గా ఆ ఇంటిలో నివాసం ఉండేవారికి వ్యాపార, ఉద్యోగ ఉపాధి రంగాలలో తీవ్రమైన ఆటంకాలు, సమస్యలు కలుగుతాయి. కాబట్టి వ్యాపారంలో కానీ, ఉద్యోగ ,ఉపాధి రంగాలలో కానీ అభివృద్ధి తగ్గిపోతుంది అంటే ఆటంకాలు సమస్యలు వస్తున్నాయి అంటే మాత్రం దక్షిణం వైపు మట్టితో నిండిన కుండీలు ఏమైనా ఉన్నాయా అనేది ఒకసారి పరిశీలించండి. ఒకవేళ అలా ఉంటే, వెంటనే అక్కడ నుండి వాటిని తీసేయండి. మీ వ్యాపార, ఉద్యోగ ఉపాధి రంగాలలో మళ్ళీ మంచి అభివృద్ధి కనబడుతుంది.