మొన్ననే ఒక వార్తలో చెప్పుకున్నాం… తెలంగాణాలో రాజ్ న్యూస్ అనే ఛానెల్ వచ్చేసింది.., టీవీ 9 రవి ప్రకాష్ ఆధ్వర్యంలో నడుస్తుంది అని..! అప్పుడే ఇంకో మాట కూడా చెప్పుకున్నాం.., కషాయానికి ఒకటి కాదు, మరో రెండు, మూడు చానెళ్లు చూస్తుంది అని..! అదే ఇది. తెలుగులో మీడియాకి రోజులు మారాయి. రాజకీయాలకు రోజులు మారాయి. ఎవరి సొంత మీడియా డప్పు వారికి ఉండాల్సిందే. ఎదుటి వాడ్ని తిట్టడానికి ఒక మీడియా మైక్ ఉండాల్సిందే. లేకపోతే నాయకుడి బండి నడవదు. అందుకే టీడీపీకి ఏబీఎన్, ఈనాడు, టీవీ 5 లాంటివి ఉన్నాయి. వైసీపీకి సాక్షి, ఇంకొన్ని ఉన్నాయి. తెలంగాణాలో కేసీఆర్ కి టీ న్యూస్, నమస్తే తెలంగాణ ఉన్నాయి. మరి బీజేపీకి పాపం తక్కువయ్యాయి.
ఇదీ చదవండి :
ఇక కాషాయ చానెళ్లు..! తెలుగులో మీడియా సంస్థల కోసం బీజేపీ ప్లాన్..!!
అర్నాబ్ వస్తున్నట్టే లెక్క..!!
తెలుగు మీడియాలో ఇప్పటి వరకు ఓ లెక్క. ఇప్పటి నుండి మరో లెక్క. ఆ టీవీ 5 మూర్తి.., ఏబీఎన్ వెంకట కృష్ణ, టీవీ 9 రజని కాంత్ .., సాక్షి కొమ్మినేనిలకు అరుపుల్లో ఆద్యుడు అర్నాబ్ గోస్వామి. ఆయనో వింత జర్నలిస్టు. రిపబ్లిక్ టీవీ ఎడిటర్ గా ఉన్న అర్నాబ్ ని గత వారమే శివసేన పోలీసులు అరెస్టు చేసారు. శివసేనకు, అర్నాబ్ కి కొన్ని కయ్యాలున్నాయ్.. అందుకే అరెస్టు చేసారు, కోర్టు బెయిలిచ్చింది. ఆ కక్షని అర్నాబ్ ఇలా తీర్చుకోబోతున్నాడు. ఆ అరెస్టుతో కొంచెం పోగైన సింపతిని ఇలా వాడుకుందామని ప్లాన్ వేసినట్టున్నాడు. దేశ వ్యాప్తంగా మరో పది భాషల్లో రిపబ్లిక్ టీవీ విస్తరించనున్నట్టు అర్నాబ్ అధికారికంగా ప్రకటించేశాడు. మరి రిపబ్లిక్ టీవీ అంటేనే బీజేపీ, అర్నాబ్ అంటే బీజేపీ గొంతు. సో.., బీజేపీకి తెలుగులో ఒక ఛానెల్ రాబోతున్నట్టే లెక్క..!
బీజేపీకి సుదీర్ఘ లక్ష్యాలు..!
బీజేపీ బలంగా ఉన్న రాష్ట్రాల జాబితాలో ఉత్తర ప్రదేశ్, గుజరాత్ పైన ఉంటె.., ఏపీ కింద ఉంటుంది. సో.., ఏపీలో ఆ పార్టీ ఎదగాలి అంటే తమ వాని బలంగా వెళ్ళాలి. తమ గుప్పిట్లో మీడియా మైకులు ఉండాలి. తమకు డప్పులు వాయించాలి. ఇప్పుడున్న ఎల్లోలు, బ్లూలుతో పని జరగడం లేదు. అందుకే కాషాయ ఛానెల్ పెట్టాలనేది బీజేపీకి ఎప్పటి నుండి కోరిక ఉంది. అందుకే పనిలో పనిగా రిపబ్లిక్ టీవీని ముందుగా తెలుగులోనే ఆరంభించనున్నట్టు సమాచారం. తెలుగులో పడిపోతున్న ఒక పాత ఛానెల్ ని కొనేసి.. రిపబ్లిక్ అనే ట్యాగ్ తగిలించి కాషాయం రంగు వేస్తారా..? లేదా కొత్తగా మొదటి నుండి స్టార్ట్ చేస్తారా అనేది ప్రస్తుతానికి మాత్రం అనుమానమే. రాజ్ న్యూస్ ద్వారా కేసీఆర్ ని రవిప్రకాష్ ఆడుకుంటాడు. ఆల్రెడీ ఆరంభించాడు. తెలంగాణాలో మరో ఛానెల్ పెట్టించి.. ఏపీలో అర్జంటుగా రిపబ్లిక్ ని దించాలి అనేది బీజేపీ పెద్దల వ్యూహమాట. అందుకే ఇటీవల తెలుగు రాష్ట్రాల నేతల మధ్య అంతర్గతంగా మీడియా గురించి మాటలు వచ్చినప్పుడు… మార్చి వరకు ఓపిక పట్టండి అంటూ పెద్దలు చెప్పుకొచ్చారట.
