Type Writing Courses: ప్రస్తుత రోజుల్లో ఉద్యోగం సంపాదించడం అనేది చాలా ఘనమైపోయింది. బీటెక్ మరియు ఎంటెక్ వంటి ఉన్నత ఉద్యోగాలు చదివినా గాని చదువుకు తగ్గ ఉద్యోగం పొందలేని పరిస్థితి నెలకొంది. సాఫ్ట్ వేర్ కంపెనీలు సైతం ఉద్యోగస్తులను చెప్పా పెట్టకుండా పీకేస్తున్నారు. చాలావరకు చదువుతున్న విద్యార్థులలో సాఫ్ట్ వేర్ ఉద్యోగం లేదా.. మరే ఈ ఇతర రంగానికి సంబంధించి ఉద్యోగాలు పొందుకోవడానికి పరుగులు పెడుతున్నారు. ప్రభుత్వ ఉద్యోగ నోటిఫికేషన్ లు కూడా సమయానికి రాకపోవడంతో చాలా వరకు యువత ఇతర రంగాల వైపు మొగ్గు చూపుతున్నారు. పరిస్థితి ఇలా ఉంటే టైపింగ్ వంటి కోర్సులు చేసి చాలా తెలివిగా భవిష్యత్తు నిర్మించుకుంటున్న యువత మరోపక్క కీలకంగా రాణిస్తున్నారు.
ప్రభుత్వ రంగాలలో టైపింగ్ ద్వారా అనేకమంది ఉద్యోగాలు పొందుతున్నారు. టైపింగ్ గురించి మాట్లాడుకోవాల్సి వస్తే.. లోయర్ మరియు హయర్ తెలుగు మరియు ఇంగ్లీష్ కోర్సులు ఉంటాయి. నిమిషానికి 35 పదాలు టైప్ చేస్తే లోయర్ కింద పరిగణించబడుతుంది. అదే నిమిషానికి 40 పదాలు టైప్ చేస్తే హయర్ కింద వస్తోంది. ఈ రకమైన కోర్సులు బయట చేసి..సర్టిఫికేట్ పొంది టైపింగ్ కింద ప్రభుత్వ రంగాల్లో పోస్టులు పడినప్పుడు..తమ స్కిల్ చూపించి చాలామంది ఉద్యోగాలు సంపాదిస్తున్నారు.
ఆంధ్రప్రదేశ్ పబ్లిక్ సర్వీస్ కమిషన్ (APPSC)
ముఖ్యంగా ఆంధ్రప్రదేశ్ రాష్ట్ర ప్రభుత్వ విషయానికొస్తే… ఆంధ్రప్రదేశ్ పబ్లిక్ సర్వీస్ కమిషన్ (APPSC) బోర్డు ద్వారా విడుదలయ్యే నోటిఫికేషన్ లలో దాదాపు టైపింగ్ అనేది కంపల్సరీ చేయడం జరిగింది. జూనియర్ అసిస్టెంట్, డేటా ఎంట్రీ, ఇంకా కోర్టు లలో పోస్టులకు టైపింగ్ కంపల్సరీ అడుగుతున్నారు. ఆయా ప్రభుత్వ రంగాలలో.. అవసరం బట్టి హయ్యర్ లేదా లోయర్ కి సంబంధించి తెలుగు మరియు ఇంగ్లీష్ భాషలకు ముందుగానే నోటిఫికేషన్ లు రిలీజ్ చేస్తున్నారు. ఎక్కువగా హైకోర్టుకి సంబంధించి రిలీజ్ అయ్యే నోటిఫికేషన్ లలో హయ్యర్ ఇంగ్లీష్ టైపింగ్ అడుగుతున్నారు. కచ్చితంగా స్కిల్ టెస్ట్ అనేది ఆయా ప్రభుత్వ రంగ సంస్థలు కంపల్సరీ చేయడం జరిగింది.
స్టాఫ్ సెలక్షన్ కమిషన్(SSC)
స్టాఫ్ సెలక్షన్ కమిషన్(SSC) పరిధిలో జరిగే పరీక్షలకి లోయర్ డివిజన్ క్లర్క్, అప్పర్ డివిజన్ క్లర్క్… స్టేనో వంటి పోస్టులకు టైపింగ్ అనేది కంపల్సరీ చేశారు. టైపింగ్ సర్టిఫికెట్ ఉంటేనే ప్రభుత్వ రంగ సంస్థలు తీసుకునే పరిస్థితి చాలా వరకు నెలకొంది. దాదాపు జూనియర్ అసిస్టెంట్ పోస్టులకు టైపింగ్ సర్టిఫికేట్ అనేది ఆంధ్రప్రదేశ్ రాష్ట్ర ప్రభుత్వం కంపల్సరీ చేయడం జరిగింది. సో టైపింగ్ ఇంగ్లీష్ లేదా తెలుగు హయ్యర్ ఇంకా లోయర్ వంటి స్కిల్ టెస్ట్ సర్టిఫికెట్లు కలిగి ఉండటం వల్ల ప్రభుత్వ రంగంలో ఉద్యోగం చాలా సులువుగా పొందుకునే అవకాశం ఉంది.