UPSC Notification 2023: ఈ ఏడాది UPSC నుండి సివిల్ సర్వీసెస్ కీ సంబంధించి నోటిఫికేషన్ కొద్ది గంటల క్రితం రిలీజ్ అయింది. ఇండియాలోనే అత్యంత హోదా కలిగిన జాబ్ నోటిఫికేషన్ ఇది. ఇకపోతే ఈ UPSC సివిల్ సర్వీస్ కీ పరీక్ష రాయాలి అని అనుకునే వాళ్ళు అధికారిక వెబ్ సైట్ upsc.gov.in. లో ఆన్ లైన్ విధానంలో అప్లై చేసుకోవాలి. ఈ పరీక్షకి అప్లై చేసుకునే చివరి తేదీ ఫిబ్రవరి 21వ తారీకు. ఇక సెలక్షన్ ప్రాసెస్ వచ్చేసరికి ప్రిలిమ్స్, మెయిన్స్, ఇంటర్వ్యూ విధానం ద్వారా అభ్యర్థులను తీసుకొనున్నారు. ప్రిలిమ్స్ పరీక్ష తేదీ ఈ ఏడాది మే 28వ తారీకు, మెయిన్స్ పరీక్షా తేదీ సెప్టెంబర్ 15వ తారీకు. అప్లై చేసుకునే అభ్యర్థి కచ్చితంగా గుర్తింపు కలిగిన యూనివర్సిటీలో గ్రాడ్యుయేషన్ పూర్తి చేసి ఉండాలి.
ఇక వయస్సు అర్హత చూసుకుంటే జనరల్ కేటగిరి అయితే 21 నుండి 32 సంవత్సరాలు లోపు ఉండాలి. ఓబిసి కేటగిరికి వచ్చేసరికి 21 నుండి 35 సంవత్సరాల లోపు ఉండాలి. ఎస్సీ మరియు ఎస్టీ అభ్యర్థులు 21 నుండి 37 సంవత్సరాల వయసు కలిగి ఉండాలి. ఇక UPSC పరీక్ష విధానం చూసుకుంటే రెండు ప్రశ్నపత్రాలు ఉంటాయి. ఒకదానిలో జనరల్ స్టడీస్ మరొక దానిలో CSAT కీ సంబంధించి ప్రశ్నలు ఉంటాయి. ప్రతి ప్రశ్నాపత్రానికి రెండు గంటల సమయం ఉంటుంది. నెగిటివ్ మార్కింగ్ కూడా ఉంటుంది. ప్రిలిమ్స్ మరియు మెయిన్స్ లో అర్హత సాధించి 275 మార్కులకు ఇంటర్వ్యూ నిర్వహిస్తారు. మొత్తం ఖాళీలకీ సంబంధించి పూర్తి నోటిఫికేషన్ రిలీజ్ కావలసి ఉంది. దానిలో కేటగిరి పరంగా ఖాళీలు తెలియజేయబడతాయి.
ఇండియన్ అడ్మినిస్ట్రేటివ్ సర్వీస్ (IAS), ఇండియన్ ఫారెన్ సర్వీస్ (IFS), ఇండియన్ పోలీస్ సర్వీస్ (IPS), ఇండియన్ ఆడిటర్ అకౌంట్స్ సర్వీస్ (IA&AS), ఇండియన్ రెవిన్యూ సర్వీస్ (IRS), ఇండియన్ డిఫెన్స్ అకౌంట్స్ సర్వీస్ (IDAS), ఇండియన్ కస్టమ్స్ అండ్ సెంట్రల్ ఎక్సైజ్ సర్వీస్ (IC&CE), ఇండియన్ ఆర్డినెన్స్ ఫ్యాక్టరీస్ సర్వీస్ (IOFS), ఇండియన్ ఇన్ఫర్మేషన్ సర్వీస్ (IIS), ఇండియన్ పీ&టీ అకౌంట్స్ అండ్ ఫైనాన్స్ సర్వీస్ (IP&TAFS), ఇండియన్ రైల్వేస్ అకౌంట్స్ సర్వీస్ (IRAS), ఇండియన్ రెవెన్యూ సర్వీస్ (IT)(IRS-IT), ఇండియన్ డిఫెన్స్ ఎస్టేట్ సర్వీస్ (IDES), ఇండియన్ ట్రేడ్ సర్వీస్ (ITS), ఇండియన్ డిఫెన్స్ సర్వీస్ ఆఫ్ ఇంజనీర్స్ (IDSE), ఇండియన్ టిఫిన్స్ సర్వీస్ ఆఫ్ మెడికల్ ఆఫీసర్స్ (IDSMO) p మరియు ఇండియన్ కార్ప్స్ ఆఫ్ సిగ్నల్స్ (ICS).. సంబంధింత పోస్టులలో ఖాళీల పూర్తి నోటిఫికేషన్ యుపిఎస్సి నోటిఫికేషన్ రిలీజ్ చేయనుంది. ప్రస్తుతం పరీక్షకి అప్లై చేసుకునే తేదీలు మరియు పరీక్ష తేదీలు వెలువరించడం జరిగింది.
క్లుప్తంగా…
యుపిఎస్సి సివిల్ సర్వీస్ రిక్రూట్మెంట్ 2023 పరీక్షా తేదీ వివరాలు:
అప్లికేషన్ అందుబాటులోకి వచ్చిన తేదీ: 01/02/2023
పరీక్ష అప్లై చేసుకోవడానికి చివరి తేదీ: 21/02/2023.
ఫీజు కట్టడానికి చివరి తేదీ: 21/02/2023.
యుపిఎస్సి సిఎస్సి ప్రిలిమ్స్ పరీక్ష తేదీ: 28/05/2023.
యుపిఎస్సి సిఎస్సి మెయిన్స్ పరీక్షా తేదీ సెప్టెంబర్ 15వ తారీకు
యుపిఎస్సి ఐఏఎస్/ఐపీఎస్/ఐఎఫ్ఎస్ 2023 అప్లికేషన్ ఫీజు వివరాలు..
జనరల్ కేటగిరి/OBC/EWS :100/-
SC/ST/PH: నీల్
అన్ని కేటగిరీల మహిళలు:నీల్
