Bigg Boss 6: బిగ్ బాస్ సీజన్ సిక్స్ ప్రారంభమైన సంగతి తెలిసిందే. ఆదివారం సాయంత్రం 6 గంటలకు ప్రారంభమైన ఈ షోలో.. మొత్తం 20 మందిని హౌస్ లోకి పంపించారు. తొలిరోజే గత ఐదు సీజన్లకు భిన్నంగా.. 20 మందిని హౌస్ లోకి పంపించడం బిగ్ బాస్ ఆడియన్స్ కి.. షాక్ ఇచ్చినట్లు అయింది. దీంతో తొలివారం ఎలిమినేషన్ నామినేషన్ ప్రక్రియ ఏ విధంగా ఉంటుంది ఎవరు హౌస్ నుండి ఎలిమినేట్ అవుతారు..? ఎంతమందిని ఎలిమినేట్ చేస్తారు..? అనే దాని గురించి బయట రకరకాల డిస్కషన్ జరుగుతున్నాయి. ఇదంతా పక్కన పెడితే హౌస్ లో పోటీదారులలో.. కార్తీకదీపం సీరియల్ నటి కీర్తి కేషవ్ బట్ కూడా ఎంట్రీ ఇవ్వడం జరిగింది.
అయితే హౌస్ లోకి వెళ్లకముందు తన సోషల్ మీడియాలో.. బిగ్ బాస్ సీజన్ సిక్స్ కి వెళ్తున్నట్లు తెలియజేయడంతో చాలామంది కార్తిక దీపం సీరియల్ అభిమానులు.. బిగ్ బాస్ షో కి వచ్చావు సరే.. మరి కార్తీకదీపం పరిస్థితి ఏంటి అంటూ ప్రశ్నలు వేస్తున్నారు. కార్తీకదీపంని అన్యాయం చేయకు హేమశ్రీ అంటూ తన పాత్ర పేరుతో మరి కొంతమంది.. కామెంట్లు చేస్తున్నారు. ఇదే సమయంలో మరి కొంతమంది ఆల్ ది బెస్ట్ తెలియజేస్తూ ఉన్నారు.
కన్నడ ఫిలిం ఇండస్ట్రీలో కెరియర్ స్టార్ట్ చేసిన.. కీర్తి 2019 వ సంవత్సరంలో తెలుగు టెలివిజన్ రంగంలో అవకాశాలు అందుకుని కార్తీకదీపం లో డాక్టర్ హేమ కార్తీక్ పాత్రతో.. సెపరేట్ గుర్తింపు దక్కించుకుంది. మరి బిగ్ బాస్ హౌస్ లో కీర్తి.. తోటి కంటెస్టెంట్లకు ఏమాత్రం పోటీ ఇస్తుందో చూడాలి. కీర్తి తాను కార్ డ్రైవ్ చేస్తూ ఉన్న సమయంలో ప్రమాదానికి గురి కావడంతో ఆ టైంలో కుటుంబ సభ్యులు మొత్తం అందరిని కోల్పోయింది. ఆ సమయంలో కీర్తి కూడా కోమాలోకి వెళ్లిపోవడం జరిగింది. ఆ తర్వాత తేరుకొని మళ్లీ ఎంటర్టైన్మెంట్ ఫీల్డ్ లో.. విజయవంతంగా రాణిస్తోంది. జీవితంలో ఎంతో పెద్ద పెయిన్ చూసిన కీర్తి బిగ్ బాస్ సీజన్ సిక్స్ లో ఏ మేరకు రాణిస్తుందో చూడాలి.
