Bigg Boss 6: బిగ్ బాస్ సీజన్ 6 స్టార్ట్ అయిన వెంటనే గీతు.. తనకేం చాలా తెలివితే స్టార్ట్ చేసింది. తద్వారా మొదటివారం ఎక్కువ స్క్రీన్ స్పేస్ తో పాటు ఇంటి సభ్యులతో చాలా గొడవలు జరి గాయి. ఫలితంగా మొదటి వారం వరస్ట్ పెర్ఫార్మర్ గా జైల్లోకి వెళ్ళింది. గీతు మాట్లాడిన విధానంపై ఇంకా పలు టాస్క్లలో ఆడిన ఆట తీరుపై చాలామంది అభ్యంతరం వ్యక్తం చేశారు. ఈ క్రమంలో మొదటి వారం వీకెండ్ లో నాగార్జున చేత కూడా ఎక్కువగానే తిట్లు తినిపించుకుంది.
ఇదంతా పక్కన పెడితే రెండో వారంలో మాత్రం గీతు పూర్తిగా తన గేమ్ మొత్తం మార్చేసింది. చాలా దూకుడుగా టాస్క్ లు ఆడింది. పెద్దగా కూడా ఎవరితో కూడా గొడవల్లోకి వెళ్ళలేదు. ఇదంతా పక్కన పెడితే గీతు.. హౌస్ లోకి ఎంటర్ అయినా వెంటనే సుల్తానా తో బాత్రూంలో వెంట్రుకల గొడవ పెట్టుకోవడం తెలిసిందే. దాదాపు మొదటి వారం వీరిద్దరి మధ్య గట్టిగానే వార్ జరిగింది. కానీ రెండవ వారం వీరిద్దరూ పెద్దగా మాట్లాడుకున్న దాఖలాలు లేవు. ఎవరికి వారు తమ గేమ్ ఆడుకోవడం జరిగింది. కాగా సుల్తానా కెప్టెన్సీ పోటీ దారుడుగా గెలిచినా గాని కెప్టెన్ మాత్రం కాలేకపోయింది. కానీ గీతు మాత్రం… రెండో వారం బెస్ట్ ప్లేయర్ గా నాగార్జున చేత శభాష్ అనిపించుకోంది.
పరిస్థితి ఇలా ఉంటే ఆదివారం ఎపిసోడ్ అయిన వెంటనే మూడో వారం ఎలిమినేషన్ నామినేషన్ ప్రక్రియ ఎలా జరిగిందో ప్రోమో వెయ్యడం జరిగింది. ఆ ప్రోమోలో మరోసారి గీతు వర్సెస్ సుల్తానా గొడవ జరిగింది. ఇద్దరి మధ్య నువ్వా నేనా అన్నట్టుగా మాటల యుద్ధం సాగింది. నామినేషన్ టైం లో తిక్కల దాన అంటూ మరోసారి సుల్తానాపై గీతు మాటల దాడి చేసింది. ఇదే సమయంలో సుల్తానా కూడా ఎక్కడ తగ్గకుండా గీతుపై రెచ్చిపోయింది. మొత్తం మీద చూసుకుంటే మూడో వారం స్టార్టింగ్ నుండి వీరిద్దరి మధ్య మళ్ళీ గొడవ మొదలైనట్లు తెలుస్తోంది.