Kangana Ranaut:కంగనా రనౌత్ పేరు చెబితే, బాలీవుడ్ బడా బాబులు కాస్త వణుకుతారు. ఎందుకంటే ఆ మాటలకు ఎవరన్నా వణకాల్సిందే. సూటిగా, సుత్తిలేకుండా, వున్నది ఉన్నట్టు మాట్లాడటం ఆమె నైజం. ఆ మనస్తత్వమే ఆమెను వివాదాలకు దగ్గరగా ఉంచుతుంది. అవును… ఆమె ఓ అద్భుతమైన నటి. అందుకే ఎవరు ఎన్ని పన్నాగాలు పన్నినా, ఆమె బాలీవుడ్లో తిరుగులేని తారగా దూసుకుపోయింది. ఇకపోతే మన బాలీవుడ్ క్వీన్ మొదటి సారి హోస్ట్ గా మారి చేసిన షో లాకప్ అన్న సంగతి అందరికీ తెలిసినదే. కొన్ని రోజుల క్రితం ప్రారంభమైన ఈ షో బిగ్ బాస్ రియాల్టీ షోలాగే ఉండేలా డిజైన్ చేసి, కొన్ని మార్పులు చేర్పులతో సరికొత్తగా స్టార్ట్ చేసారు.
- Read the latest news from NEWSORBIT
- Follow us on facebook , Twitter , instagram and Googlenews
Kangana Ranaut: ముగిసిన సీజన్ 1?
ఇక ఈ షో అనతికాలంలోనే మంచి పేరు ప్రఖ్యాతలు సంపాదించుకుంది. ఎందుకంటే అక్కడ వున్నది ఎవరు మరి? మన ఫైర్ బ్రాండ్ కదూ. ఈ షో మొదటినుండి మంచి ఉత్కంఠతతో సాగుతూ నార్త్ లో మంచి TRP రేటింగ్ సాధించింది. ఈ లాకప్ షో ఆల్ట్ బాలాజీ, ఎమ్ఎక్స్ ప్లేయర్ OTTలలో టెలికాస్ట్ అయింది. కాగా ఈ షో చాలా కాంట్రవర్సీగా నడిచింది. ఇందులో పార్టిసిపేట్ చేసిన కంటెస్టెంట్స్, వాళ్ళు చెప్పిన విషయాలు బాలీవుడ్ లో హాట్ టాపిక్ గా మారిన సంగతి తెలిసినదే. ఎంతో గ్రాండ్ గా లాంచ్ అయిన లాకప్ షో సీజన్ 1 తాజాగా విజయవంతంగా ముగిసింది.
- Read the latest news from NEWSORBIT
- Follow us on facebook , Twitter , instagram and Googlenews
విన్నర్ అతడే!
ఇక చివరికి, ఈ షోలో విజేతని తాజాగా మన క్వీన్ ప్రకటించింది. ఎంతో తీవ్రమైన ఒత్తిడితో కూడిన సస్పెన్స్ తరువాత విజేత షెల్ లో నుండి బయటకు వచ్చాడు. అవును.. మునావర్ ఫరూఖీ, నటి పాయల్ రోహత్గీ, అజ్మా ఫల్లా, అంజలి అరోరా, శివమ్ శర్మ ఫైనల్ కి చేరుకోగా హోస్ట్ కంగనా రనౌత్ ‘మునావర్ ఫరూఖీ’ని విన్నర్ గా ప్రకటించింది. లాకప్ షో విన్నర్ అయినందుకు విజేత మునావర్ ఫరూఖీ ట్రోఫీతో పాటు 20 లక్షల రూపాయలు, మారుతీ సుజుకి ఎర్టిగా కారు, ఇటలీకి ఫ్రీ ట్రిప్ను కూడా సంపాదించాడు. లాకప్ షో రన్నరప్ గా నటి పాయల్ రోహత్గీ నిలవడం గమనార్హం. దాంతో సీజన్ 1 ముగియడంతో అభిమానులు సీజన్ 2 కోసం ఎదురు చూస్తున్నారు.